Bakýde ótken halyqaralyq týrnırden qazaqstandyq boksshylar oljaly oraldy
ASTANA. QazAqparat - Qazaqstandyq sportshylar Ázerbaıjan astanasy Baký qalasynda 9 naýryz kúni aıaqtalǵan eresekter arasyndaǵy «Uly Jibek joly-2014» halyqaralyq týrnırinde birden úsh medaldi - altyndy, kúmisti jáne qolany qanjyǵalaryna baılady. Bul týraly Qazaqstan boks federatsııasynyń baspasóz qyzmetinen habarlaıdy.
60 kg deıingi salmaq dárejesindegi Zakır Safıýllın týrnır jeńimpazy atandy. Kúmis júldeni Dáýren Eleýsinov (81 kg) ıelense, qola Saǵadat Rahmanqulovtyń (69 kg) úlesine tıdi. Al, Erlan Tamemov (52 kg), Saparbaı Aıdarov (75 kg) pen Nurjan Bekzatov (+91 kg) ókinishke oraı, shırek fınalda utylyp qaldy.
Bul dodaǵa barlyǵy 9 elden 130-dan astam sportshylar qatysty.
