Bakýde órt saldarynan 50 dúken janyp ketti
ASTANA. Qazannyń 26-sy. QazAqparat - Baký bazarynda bolǵan órt saldarynan 1 myń sharshy metrdeı aýmaqtaǵy 50 shaqty dúken janyp ketti.
Órt sóndirýshiler dúısenbi kúni keshke «8-shi shaqyrym» bazarynan shyqqan jalynmen bir jarym saǵat boıy alysty, dep habarlaıdy «RIA «Novostı» agenttigi.
Resmı qurylym ókilderi órttiń shyǵý sebebi týraly ázirge eshteńe aıtqan joq. Polıtsııa qyzmetkerleriniń aldyn ala paıymdaýlary boıynsha, órt toqyma ónimderi satylatyn dúkenderdiń birindegi elektr jelisiniń qysqasha tuıyqtalýynyń saldarynan oryn alýy múmkin. Al bazar qyzmetshileri, órtke sóndirilmeı qalǵan temeki tuqylynyń sebep bolǵanyn aıtýda. Qaza bolǵandar men zardap shekkender joq.
