Bakýde Nazarbaev pen Álıev resmı kezdesý ótkizedi

ASTANA. QazAqparat - Búgin QR Prezıdenti Nursultan Nazarbaev pen Ázerbaıjan Prezıdenti Ilxam Álıev birqatar strategııalyq mańyzy bar qujattarǵa qol qoıady, dep xabarlaıdy QazAqparat.

Bul týraly búgin Ortalyq kommýnıkatsııalar qyzmetiniń resmı ókili Murat Jumanbaı málim etti.

«QR Prezıdenti Nursultan Nazarbaevtyń Ázerbaıjanǵa resmı sapary bastaldy . Esterińizge salsaq, Qazaqstan men Ázerbaıjandaǵy arasyndaǵy dıplomatııalyq qatynas 1992 jyldyń 27 tamyzynda ornaǵan. 2004 jyly naýryz aıynda Ázerbaıjan prezıdenti Ilxam Álıevtiń Astanaǵa sapary, 2005 jyly Qazaqstan Prezıdenti Nursultan Nazarbaevtyń Ázerbaıjan eline memlekettik sapary ekijaqty qarym-qatynasqa jańa serpin bergen bolatyn. Búgin eki el basshylarynyń resmı kezdesýi josparlanǵan. Onda birqatar strategııalyq mańyzy bar qujattarǵa qol qoıylady dep kútililýde», - dedi ol.