Bakýde mektep formasyna qarsylyq tanytqan 37 adam qamaýǵa alyndy
BAKÝ. KAZINFORM - Ázerbaıjan astanasy Bakýde biryńǵaı mektep formasyn engizýge qatysty qaqtyǵystar kezinde qoǵamdyq tártipti buzǵany úshin 37 adam qamaýǵa alyndy, dep habarlaıdy Kazinform agenttiginiń menshikti tilshisi Azerbaijan Press Agency-ge silteme jasap.
Іshki ister mınıstrliginiń málimetinshe, bir top adam mektep formasyna qatysty talaptarǵa kelispeı, mektep qyzmetkerlerimen janjaldasqan. Olar memlekettik mektepterge zııan keltirip, kólik qozǵalysy men oqý protsesine kedergi keltirýge tyrysqan.
Oqıǵaǵa baılanysty Ázerbaıjan Qylmystyq kodeksiniń qoǵamdyq tártipti buzýǵa ákeletin áreketterdi uıymdastyrý nemese oǵan belsendi qatysý týraly 233-baby boıynsha qylmystyq is qozǵaldy.
Іshki ister mınıstrligi zań talaptarynyń oryndalýy, qoǵamdyq tártipti saqtaý, oqýshylar men muǵalimderdiń qaýipsizdigin qamtamasyz etý basty nazarda ekenin málimdedi. Sondaı-aq mundaı quqyqbuzýshylyqtardyń aldyn alý jalǵasatynyn habarlady.
Buǵan deıin elimizde 2026–2027 oqý jylynda mektep formasyna qatysty negizgi talaptar qandaı bolatynyn jazǵan edik.
