Bakýde «Mádenıetter dıalogy: Qazaqstan – Ázerbaıjan» kórmesi ashyldy
ASTANA.KAZINFORM - Baký qalasyndaǵy Ázerbaıjan ulttyq óner mýzeıinde Ábilhan Qasteev atyndaǵy Qazaqstan Respýblıkasynyń Ulttyq óner mýzeıi qoryndaǵy týyndylardan quralǵan «Mádenıetter dıalogy: Qazaqstan – Ázerbaıjan» halyqaralyq kórmesiniń ashylý rásimi ótti.
Ekspozıtsııada qazaqstandyq sýretshilerdiń ár býynynyń shyǵarmashylyǵyn tanytatyn 30-ǵa jýyq keskindeme týyndysy qoıylǵan. Kórme otandyq beıneleý óneriniń damý jolyn, tarıhı sabaqtastyqty, adam men tabıǵat arasyndaǵy baılanysty, túrki dúnıesine ortaq mádenı erekshelikterdi tanytýǵa baǵyttalǵan.
Ekspozıtsııada Ábilhan Qasteev, Moldahmet Kenbaev, Qanafııa Teljanov, Nurbek Tańsyqbaev, Marııa Lızogýb, Aısha Ǵalymbaeva, Sabyr Mámbeev, Salıhıtdın Aıtbaev, Shaımardan Sarıev jáne ózge de qazaqstandyq qylqalam sheberleriniń týyndylary usynylǵan.
Peızaj, natıýrmort jáne taqyryptyq kartınalarda Qazaqstan tabıǵaty, halyqtyń turmys-tirshiligi, ulttyq bolmys pen adamnyń rýhanı álemi kórinis tapqan. Kórmege Ábilhan Qasteevtiń «Medeý», sondaı-aq, Aısha Ǵalymbaevanyń qazaqy turmystyń shynaıy bolmysyn aıqyn kórsetetin «Aport», «Dámdi shaı» jáne «Qyryqtyqshylar» týyndylary qoıylǵan.
Ázerbaıjan ulttyq óner mýzeıindegi kórme 31 tamyzǵa deıin jalǵasady.
