Bakýde Qazaqstannyń áleýmettik kásipkerlikti damytý týraly zań úlgisi tanystyryldy
TúrkPA otyrysynda Lázzat Ramazanova Qazaqstan Parlamenti atynan «Áleýmettik kásipkerlikti damytý týraly» zań úlgisin tanystyrdy.
Qazaqstandaǵy áleýmettik kásipkerlik sala birqatar normatıvtik-quqyqtyq aktilerge tıisti túzetýler qabyldanǵannan keıin, ótken jylǵy 24 shildeden bastap zań turǵysynan rettele bastady.
Uıymǵa múshe elderdiń ulttyq zańnamasyn birizdilikke keltirý Túrkitildes elderdiń parlamenttik assambleıasynyń qyzmetindegi basty baǵyt bolǵandyqtan, qazaqstandyq tarap áleýmettik kásipkerlik boıynsha tıisti zań úlgisin ázirlegen bolatyn.
Atalǵan zań úlgisi áleýmettik kásipkerlikti damytý tetikterin bir júıege keltirý jáne zańnamalyq turǵydan retteý maqsatynda ázirlengen.
Bul zań úlgisinde áleýmettik jaǵynan kómekke muqtaj azamattardy jumyspen qamtýmen qatar, áleýmettik baǵyttaǵy bıznestiń de qyzmetin retteý qarastyrylǵan.
ıAǵnı, zańda qajetti memlekettik qoldaýdyń júıeli sharalaryn retteý jáne áleýmettik jańashyl jobalardy keńinen engizý kózdelgen.
«Qazaqstan tarapy atalǵan zańnyń ortaq áleýmettik qundylyqtarymyzdy nyǵaıtýǵa, Túrkitildes elderdiń aıasynda áleýmettik kásipkerlikti damytýdyń mehanızmderin júıege salýǵa jáne ony retteýge múmkindik beretinine úmit bildirip otyr», - dedi Lázzat Ramazanova.
TúrkPA komıtetiniń músheleri Qazaqstan tarapynan ortaǵa salynǵan usynysqa qoldaý tanytty.
Túrkitildes elderdiń parlamenttik assambleıasynyń áleýmettik, mádenı jáne gýmanıtarlyq máseleler jónindegi komıssııasynyń (TúrkPA) kelesi 10-shy otyrysy 2023 jylǵy mamyrda Qazaqstanda ótkizilmek.
Onymen qosa, issapar barysynda Lázzat Ramazanova Ázirbaıjan Mıllı Májilisiniń depýtattarymen, TúrkPA parlamentarııler tobynyń músheleri – M.Ibragımgyzy jáne S.Velıeva hanymdarmen, Túrki saýda-ónerkásip palatasy janyndaǵy kásipker áıelder komıtetiniń tóraıymy S.Babaevamen kezdesip, isker hanymdarǵa ózara qoldaý kórsetý, áıelderdiń quqyqtary men múmkindikterin keńeıtýge qatysty halyqaralyq sharttardyń oryndalý jaıyn talqylady.
Sondaı-aq kezdesý barysynda parlamentarıı toby men Túrki saýda-ónerkásip palatasynyń komıtet músheleriniń osy jylǵy 2 maýsymda Nur-Sultan qalasynda ótetin ECOJER halyqaralyq ekologııalyq kongresine qatysýy jaıly kelisim jasaldy.
Aıta keteıik, osyǵan deıin Ystambul qalasynda Lázzat Ramazanova men «BUU-Áıelder» qurylymynyń Eýropa jáne Ortalyq Azııa elderi boıynsha óńirlik dırektory Alııa El-ıAsırmen ekijaqty kezdesýi ótken bolatyn.
Kezdesý barysynda «Urpaq teńdigi» jahandyq forýmy aıasynda Qazaqstan Prezıdenti jarııalaǵan mindettemelerdi iske asyrý joldary talqylandy.
Esterińizge salsaq, bul forýmdy Frantsııa jáne Meksıka Úkimetterimen birlese «BUU-Áıelder» qurylymy uıymdastyrǵan bolatyn.
Onyń aıasynda elimiz Genderlik zorlyq-zombylyqqa qarsy is-qımyl koalıtsııasy men Ekonomıkalyq ádilettilik pen quqyqtar jónindegi is-qımyl koalıtsııasyna qosylatynyn málimdegen.
«Elimizdiń barlyq óńirinde Áıelder kásipkerligin damytý ortalyqtarynyń qurylýy Qazaqstan Prezıdenti málimdegen bastamalardyń tájirıbelik túrde iske asyrylýynyń kórinisi. Qysqa ýaqyt ishinde myńnan astam áıelge (olardyń úshten biri áleýmettik turǵydan kómekke muqtaj toptan) kómek kórsetildi. Árıne, biz munymen toqtap qalmaımyz. Qazaqstandaǵy «BUU-Áıelder» qurylymy osyndaı bastamalarǵa aıtarlyqtaı qoldaý kórsetip keledi. Osy oraıda áriqaraı da birlesip is atqaratynymyzǵa úmitim zor», - dep atap ótti Lázzat Ramazanova.
Sondaı-aq kezdesýde Genderlik bilim ortalyǵyn Almaty qalasynda ashý jaıy da qozǵaldy.
Bul óz kezeginde áıelderdiń quqyqtary men múmkindikterin keńeıtýge baǵyttalǵan halyqaralyq ozyq tájirıbelerdi engizýge septigin tıgizbek.
