Bakýde Kaspıdegi áskerı qyzmet salasynyń senim sharalary talqylandy
ASTANA. KAZINFORM – Bakýde Kaspıı teńizi máseleleri boıynsha joǵary deńgeıli jumys tobynyń VII otyrysy ótti.
Kelissózderge Ázerbaıjan, Iran, Qazaqstan, Reseı jáne Túrikmenstan delegatsııalary qatysty. Qazaqstan delegatsııasyn Qazaqstan Respýblıkasy Syrtqy ister mınıstrliginiń Erekshe tapsyrmalar jónindegi elshisi, Qazaqstan Respýblıkasynyń Kaspıı teńizi máseleleri boıynsha arnaıy ókili Zýlfııa Amanjolova basqardy.
Kezdesý barysynda taraptar 2024 jyly Kaspıı aımaǵy álemdik saıasattyń nazarynda bolatynyn, bul osy aýmaqtaǵy oqıǵalardyń joǵary qarqyndylyǵyna baılanysty ekenin atap ótti.
Kezdesýge qatysýshylar sonymen qatar Kaspıı teńizinde tikeleı bazalyq syzyqtardy qurý ádisterin talqylady.
Taraptar ózara is-qımyldy nyǵaıtý jáne aǵymdaǵy syn-qaterlerge jedel áreket etý maqsatynda aǵymdaǵy jyldyń ishinde toqsanyna bir ret otyrys ótkizýge kelisti.
Jumys tobynyń kelesi otyrysy 24-27 maýsymda Iran astanasy Tegeranda ótedi.