Bakýde IV Islam yntymaqtastyǵy oıyndary jalǵasyp jatyr

ASTANA. QazAqparat  - Erkin kúresten Qazaqstan quramasy Islam yntymaqtastyǵy oıyndarynyń  palýandar arasynda ótken birinshi oıyn kúninde tórt medal  ıelendi.

Ázerbaıjan astanasynda Meıirbek ıÝsýpov pen Marat Erdenovtyń qamqorlyǵyndaǵy Jandos Smaıylov (kúmis), Іlııas Jumaı, Bolat Saqaev jáne Mámed Ibragımovter (barlyǵy - qola) erekshe kózge tústi.  

Bolashaǵynan zor úmit kúttiretin Jandos Smaıylov fınalda 57 kg. deıingi salmaqpen boz kilem ıesi Mahır Amıraslanovqa eń tómengi eseppen (4:5) jol berdi, alaıda aıqastyń aqtyq sátine deıingi esep 4:3 edi. Áıtse de, aldyńǵy aıqastarda Almaty oblysynyń namysyn qorǵaýshy ıemendik Ebrahım Al Shebamıden - 12:5 esebimen, ırandyq ıÝnes Sarmastıdızajıden - 4:3 esebimen jáne ózbek Nodırjon Safarovtan - 4:1 esebimen basym tústi.  

Qola medal úshin aıqasta qazaqstandyq Іlııas Jumaı (65 kg) Saýd Aravııasynan kelgen Halıl Abdalıdi  jer sıpatsa, Bolat Saqaev (74 kg) mavrıtandyq  Bokar Mbodjadan basym tústi, al tájirıbeli palýan, 2016 jyly  Rıo-de-Janeıroda ótken  XXXI jazǵy olımpıada oıyndarynyń qatysýshysy Mámed Ibragımov (97 kg) pákistandyq Ýmaır Tarıkti jeńdi.

Búgin, 20 mamyrda basqa salmaq sanatyndaǵy  tórt palýanymyz jarysty  jalǵastyrady. Dáýlet Shababaı (125 kg), Ádilet Daýlymbaev (86 kg), Danııar Qusaıynov (70 kg) jáne Qýat Ámirtaevtarǵa (61 kg) sáttilik tileımiz.