Bakýde І Eýropa oıyndaryna arnalǵan mýzeı ashylady

ASTANA. QazAqparat - Bakýdiń Olımpıada stadıonynda І Eýropa oıyndaryna arnalǵan murajaı ashylady. Bul týraly Ázerbaıjan jastar jáne sport mınıstri Azad Ragımov aıtty dep habarlady Trend.

«Murajaıǵa negizinen І Eýropa oıyndarynyń ashylý saltanaty kezinde paıdalanylǵan buıymdar men kıimder qoıylatyn bolady», dedi mınıstr.

Mýzeı І Eýropa oıyndary aıaqatlǵan soń birden ashylmaq. Jalpy, Bakýde 20 sporttyq jarys túrlerinen saıystar ótkiziledi: onyń 16-sy - olımpıadalyq sport oıyndary bolsa, qalǵan 4-ýi - olımpıadalyq emes sport túrleri. Eýropanyń túkpir-túkpirinen jınalǵan 6 myńnan astam sportshy 17 kún boıy óz eliniń namysyn qorǵaıtyn bolady.

Aıta keteıik, 2012 jylǵy jeltoqsanda Eýropalyq Olımpıada komıteti Bakýdy Eýropalyq oıyndardy ótkizýge laıyq dep tanyǵan bolatyn.