Bakýde hıdjab kııýdi jaqtaýshylardy qýyp tarqatty
ASTANA. 9 mamyr. QazAqparat - Mektepterde hıdjab kııýge tyıym salýǵa qarsy top Bakýde Ázirbaıjan bilim mınıstrligi ǵımaratynyń qasynda narazylyq aktsııasyn ótkizdi, dep habarlaıdy Contact.az.
Ruqsat etilmegen aktsııaǵa qatysýshylar «Hıdjabqa bostandyq berilsin» jáne «Allahý akbar» dep urandatyp, bilim mınıstri Mısır Mardanovtyń otstavkaǵa ketýin talap etti.
Polıtsııa qolshoqpar qoldanyp aktsııaǵa qatysýshylardy qýyp tarqatpaq boldy, degenmen qatysýshylar kete qoımady, qaıta polıtseılerge tas laqtyrýdy bastady. Aktsııany kúshpen basýdyń saldarynan qatysýshylardyń biri esinen tanyp, ondaǵan adam aıaýsyz taıaqqa jyǵylyp, ustaldy. Ázirbaıjan BAQ deregi boıynsha, polıtsııa jýrnalısterge bolǵan oqıǵany túsirýge tyıym salyp, reporterlerdi soqqyǵa jyqty.
