Bakýde halyqaralyq zamanaýı óner festıvali ótedi

BAKÝ. QazAqparat – Ázerbaıjan astanasy Baký qalasynda Ázerbaıjandaǵy Latvııa Elshiliginiń qoldaýymen Halyqaralyq zamanaýı óner festıvali ótedi. «Qyz munarasy. Áıel bolý – áıelder álem úshin» taqyrybymen ótetin festıval 16-24 qarasha aralyǵynda Eýropalyq Odaq ókilderimen birlesip uıymdastyrylady, dep habarlaıdy QazAqparat AZERTADJ agenttigine silteme jasap.

AZERTADJ habarlaýynsha, bıylǵy festıval BUU Qaýipsizdik Keńesiniń 1325-shi «Áıelder, beıbitshilik jáne qaýipsizdik» rezolıýtsııasyna arnalady. Uıymdastyrýshylar festıvaldiń negizgi taqyryby túrli sheshim qabyldaýda áıelderdiń róliniń ádiletti bolýy deıdi.

Іs-sharaǵa halyqaralyq sarapshylar jınalady. Kórme pandemııa kezinde úıdegi kúsh-kórsetýdiń aldyn alý men pandemııa men áskerı janjaldardyń áıel ómirine áserin zamanaýı óner arqyly kórsetedi.

Joba baǵarlamasynda birneshe kórme, kontsert, konferentsııa, tusaýkeser men fılmderdiń kórsetilimi bar. Munyń bári áleýmettik yqpaldastyqty kúsheıtýge jáne nasıhattaýǵa baǵyttalǵan.