Bakýde Geıdar Álıev ortalyǵy órtendi
ASTANA. 20 shilde. QazAqparat - Bakýde Geıdar Álıev atyndaǵy ortalyq órtendi. Jalyndy aýyzdyqtaýǵa 50-den astam órt bólimderi tartylyp, TJM-niń arnaıy 3 tikushaǵy jumyldyryldy. Bul týraly jergilikti BAQ habarlaıdy.
Jýrnalısterdiń bergen málimetterine qaraǵanda, órt ǵımarattyń tóbesin tolyǵymen sharpydy. 2 shaqyrymnan astam aýmaqty qalyń tútin basty. Órttiń sebebi ázirge belgisiz, dep habarlady Ýtro. rý.
Qaza bolǵandar jóninde málimetter joq, alaıda jaqyn mańda «jedel járdem» kóligi kúzet etýde. Oqıǵa ornynda TJM basshylyǵy, eldiń jáne qalanyń basqa da qurylym basshylary bar. Órtti joıý jumystary jalǵasýda.
Geıdar Álıev ortalyǵy buryn Máskeý dep atalǵan, qazir G. Álıev dańǵylynda ornalasqan keshendi qurylym. Onyń ishinde kongress-ortalyq, murajaı, kitaphana jáne 9 gektar aýmaqta saıabaq bar.
