Bakýde fýtzaldan Eýropa chempıonatynyń alǵashqy oıyndary ótip jatyr
BAKÝ. 25 aqpan. QazAqparat /Arnur Muhametkárim/ - Bakýdiń sport kesheninde 1-toptaǵy komandalar arasynda fýtzaldan Eýropa chempıonatynyń irikteý kezeńi bastalady,
1 topta Ázirbaıjan, Ispanııa, Qazaqstan jáne Frantsııa elderiniń ulttyq quramalary ornalasqan.
Keshegi oıyn kúninde ótken birinshi matchta frantsýzdyqtar ıspandyqtarmen kezdesti, oıyn nátıjesinde Ispanııa quramasy 4:0 esebimen jeńiske jetti.
Ekinshi oıyn brazılııalyq jattyqtyrýshy Sılva Hose Alezıo jetekshilik etken Ázirbaıjan quramasy men otandyq maman Ámirjan Muqanovtyń shákirtteri bolyp tabylatyn Qazaqstan quramasy arasynda ótti.
Birinshi taım basynda Qazaqstan sportshylary belsendilik tanytyp, qarsylastar qaqpasyna alǵashqy gol salǵanymen, ázirbaıjandyqtar Qazaqstan quramasynyń qaqpasyna 3 dop engizdi.
Ekinshi taım da osy qarqynmen ótti. Oıynnyń qorytyndysy 6:3 esebimen Ázirbaıjan sportshylarynyń paıdasyna sheshildi.
Qazaqstan quramasy kezekti kezdesýin búgin ıspan oıynshylarymen ótkizedi, al ázirbaıjandyqtar Frantsııa quramasymen kúsh synaspaq.
Eýropa chempıonatyna barlyǵy 6 topqa bólingen 24 komanda qatysyp jatyr.
