Bakýde «Formýla 1» Azerbaıjan Gran-Prıi kezeńi ótip jatyr

ASTANA. QazAqparat - Bakýde ótip jatqan «Formýla 1» Azerbaıjan Gran-Prıiniń birinshi kúninde shabandozdar Bakýde 6 shaqyrymdyq  aınalma jolda jarysty, dep habarlaıdy AZERTADJ.  

Alǵashqy erkin jarysta «Mercedes» komandasynyń múshesi Valtterı Bottastyń mereıi ústem boldy. Onyń kórsetkishi - 1 mınýt 44,242 sekýnd.

Al «Bull Racing» komandasynan Danıel Rıkkardo ekinshi oryn aldy. Serhıo Peres («Force India»)  úshtikti túıindedi.

«Red Bull Racing» múshesi Danıel Rıkkardo bolsa, básekeniń ekinshi kezeńinde sýyrylyp  alǵa shyqty. Onyń kórsetkishi -1 mınýta 42,795 sekýnd. «Ferrari» komandasynan Kımı Raıkonnen ekinshi, taǵy bir jarysýshy «Red Bull Racing» shabandozy Maks Ferstappen úshinshi oryn aldy.

Búgin, 28 sáýirde úshinshi erkin kezeń básekesi ótedi.

Aıta keter jaıt, Baký qalalyq aınalma joly mıllıondaǵan kórermenniń jarysty ǵana emes, ıÝNESKO mádenı muralar tizimine engizilgen ejelgi qala - Icherısheher tarıhı-arhıtektýralyq qoryǵyn, Kaspıı teńizi jaǵalaýy bóligin tamashalaýyna laıyqtalyp jasalǵan.

Joba avtory - barlyq Formýla 1 zamanaýı trassalarynyń arhıtektory German Tılke.

Báseke Azatlyq alańynan bastaý alady jáne osynda aıaqtalady.