Bakýde «Evrovıdenıe» mýzykalyq baıqaýy ótip jatyr
ASTANA. 20 mamyr. QazAqparat - Bakýde «Evrovıdenıe» mýzykalyq baıqaýy bastaldy, dep habarlady jergilikti Trend portaly.
Konkýrstyń ashylý saltanaty 19 mamyr kúni jergilikti ýaqyt boıynsha saǵat 21:00-de bastalyp, oǵan qatysatyn 42 eldiń ókili qyzyl kilemmen júrip ótti.
Aıta keteıik, 56 jyldyq tarıhy bar «Evrovıdenıe» baıqaýy Ázerbaıjanda alǵash ret ótkizilip otyr. 1 aptaǵa sozylatyn konkýrstyń jartylaı fınaly 22 jáne 24 mamyr kúnderi, al aqtyq máresi 26 mamyrda ótedi. Al qalǵan kúnderi daıyndyq jumystary júrgiziledi. Kontsertter 23 myń adam sııatyn "Baku Crystal Hall"zalynda bolady.
Esterińizge sala keteıik, bul mádenı sharany elimizde tek «El arna» telearnasy ǵana tikeleı efır arqyly kórermen nazaryna usynatyn bolady. Al baıqaýǵa tanymal mýzyka sarapshysy Nurbergen Mahambetov pen radıo habarlaryn júrgizýshi Qaldybek Jaısańbaı óz pikirlerin bildirip otyrady.
Aǵymdaǵy jyly «Óz otyńdy jaq!» uranymen ótetin baıqaýdyń aqtyq máresinde 26 eldiń ókili óz baqtaryn synaıtyn bolady. 1956 jyldan bastap búkil Eýropanyń basty án baıqaýyna aınalǵan osy mádenı sharany «El arna» birneshe jyldan beri tikeleı efırden kórsetip keledi.
