Bakýde erkin, grek-rım, áıelder jáne jaǵajaı kúresterinen jasóspirimder arasyndaǵy Álem chempıonaty ótedi

Oǵan bıyl 40 elden sportshylar qatysady dep josparlanýda.  Bul dúbirli dodada eń aldymen erkin kúresshiler baq synaıdy. Bul básekede bapkerler el namysyn  qorǵaýdy Aıtýǵan Janjigitov (42 kg), Ǵalymjan Jaqsybek  (46 kg), Ernur Qabataev (50 kg), Baýyrjan Tórebek (54 kg), Islam Janetov (58 kg), Іlııas Jumaı (63 kg), Erkebulan Tileý (69 kg), Ilıshan Chılaev (76 kg), Baqdaýlet Almentaı (85 kg) pen   Erbolat Dúısenovke (100 kg) senip tapsyrmaq.

Byltyr Býdapeshtte ótken básekede qazaqstandyq erkin kúresshiler jalpy komandvalyq esepte 56 upaımen tórtinshi oryn alǵan bolatyn. Onda Vladımır Kýdrın (46 kg) men Elhan Asadov (76 kg) Álem chempıony, Azamat Toıbek (42 kg) kúmis, al Іlııas Jumaı (63 kg) men Azamat Dáýletbekov (69 kg)  qola júldeger  atanǵan bolatyn. Onda Reseı (79 upaı), Iran (69 upaı), Úndistan (65 upaı) komandalary 1-3 oryndy ózara bólisti. Al Azııadaǵy kórshilerimizden  Japonııa 28 upaımen 8-inshi, 11 upaımen Ózbekstan 12-inshi, 9 upaımen Qyrǵyzstan 13-inshi, 8 upaımen   Mońǵolııa 15-inshi oryndy qanaǵat tutqan edi. Nurǵalı Rahmanqulov jattyqtyratyn balýandar bıyl da joǵary nátıjege qol jetkizýdi aldyna basty maqsat etip qoıyp otyr.