Bakýde dástúrli avtosherý men klassıkalyq avtomobılder kórmesi ótti
ASTANA. KAZINFORM – Baký qalasynda Ázerbaıjan avtomobıl federatsııasy (ÁAF), Baku City Ring Operating Company jáne Dreamland Golf Club-tyń uıymdastyrýymen dástúrli avtosherý men klassıkalyq avtomobılder kórmesi ótti.
Sherý tirkelgen klassıkalyq avtokólikterdi, sondaı-aq Geıdar Álıev atyndaǵy ortalyqtyń turaqty kórmesindegi keıbir kólikterdi kórsetýden bastaldy. Sondaı-aq oǵan 1984 jylǵa deıin shyǵarylǵan kólikter qatysty. Olardyń ishindegi eń eskisi 1929 jylǵy Mercedes Benz Gazelle boldy.
Kólikter sherýi Prımorsk ulttyq saıabaǵynan bastalyp, qalanyń ortalyq kósheleri men dańǵyldarymen ótti. Baǵdar sońynda Dreamland golf klýbynda sońǵy klassıkalyq avtokólikter kórmesi boldy.
Kórmege qatysýshylar «Eń eski kólik», «Eń biregeı kólik» jáne «Eń áserli kıim» syndy nomınatsııalar boıynsha saıysqa tústi. Іs-shara tanymal ónerpazdardyń qatysýymen kontserttik jáne oıyn-saýyq baǵdarlamasymen jalǵasty.
Qatysýshylardyń aıtýynsha, ár jyldardaǵy biregeı retro kólikter kórermenderdiń nostalgııalyq sezimin oıatty. Nıet bildirgerderdiń barlyǵy atalǵan kólikterdiń aldynda sýretke túsip, olardyń tarıhymen jáne erekshelikterimen jaqynyraq tanysýǵa múmkindik aldy.
