Bakýde bokstan álem chempıonaty ótedi
BAKÝ. 1 aqpan. QazAqparat /Arnur Muhametkárim/ - Dúısenbi, 31 qańtar kúni Ázirbaıjannyń Boks federatsııasy men Halyqaralyq áýesqoı boks qaýymdastyǵy (AIBA) Baký qalasynda bokstan 16-álem chempıonatyn ótkizý týraly kelisimge qol qoıdy.
AIBA prezıdenti Chıng-Kýo Vý málim etkendeı, osy saıysta 2012 jyly Londonda ótetin jazǵy Olımpıada oıyndarynyń lıtsenzııalary oınatylady. Onyń aıtýynsha, Bakýde ótetin bokstan álem chempıonatyna jer sharynyń 100-den astam elinen sportshylar keledi.
Qol qoıylǵan qujatqa sáıkes, álem chempıonaty Ázirbaıjan astanasynda 2011 jyldyń 22 qyrkúıegi men 10 qazany aralyǵynda ótedi.
