Bakýde «Baku Build» qurylys kórmesi ashyldy
BAKÝ. Qazannyń 20-sy. QazAqparat /Arnur Muhametkárim/ - Búgin Bakýde Kaspıı jáne Kavkaz aımaǵyndaǵy «Baku Build» iri halyqaralyq qurylys kórmesi ashyldy, ol qazannyń 23-ine deıin jumys isteıdi.
Ústimizdegi jyly kórmege 25 eldiń 260 kompanııasy qatysyp otyr, olardyń arasynda Germanııa, Italııa, Fınlıandııa, Iran, Lıtva, Ýkraına jáne basqa da elder óz taýarlaryn usynýda. Naqtyraq aıtar bolsaq, «Baku Build»-te qurylys jabdyqtarynyń kóptegen túri, óńdeý materıaldary men jol-qurylys tehnıkasy usynylǵan.
Sondaı-aq, kórme barysynda ınnovatsııalyq tehnologııalar men qala qurylysyn josparlaýǵa qatysty «dóńgelek ústel» ótkizilip, qurylys máseleleri boıynsha túrli semınarlar men tusaýkeserler uıymdastyrylady.
