Bakýde avtoturaqtaǵy 40-qa jýyq kólik órtke orandy

BAKÝ. 19 maýsym. QazAqparat - Bakýde Memlekettik jol polıtsııasy basqarmasynyń aıyppul turaǵynda órt bolyp, sonyń saldarynan 1000 sharshy metr ýchaskede qurǵaq shóp janyp, 40-qa jýyq mashına órtke oranǵan.

Bul týraly jýrnalısterge TJM órt qaýipsizdigi memlekettik qyzmetiniń shtab bastyǵy Aqber Novrýzov málimdedi.

Keıbir kólikter apatty jaǵdaıda bolǵan, al keıbiri júrip turǵan.

Órtti toqtatý úshin oqıǵa ornyna 10-ǵa jýyq órt sóndirý mashınalary shaqyrtyldy. Órt sóndirildi.

«Aldyn ala túsken málimetter boıynsha, órttiń shyǵýyna qatty jeldiń áserinen elektr jelileri symdarynyń kólik turaǵyndaǵy mashınalardyń ústine qulaýy sebep bolýy múmkin», - dedi Ázirbaıjan Memlekettik jol polıtsııasy Bas basqarmasynyń qoǵammen baılanys bóliminiń bastyǵy Kıamran Álıev.