Bakýde álemniń dinı kóshbasshylarynyń jahandyq sammıti bastaldy

ASTANA. KAZINFORM — Ázerbaıjanda Prezıdent Ilham Álıevtiń qamqorlyǵymen COP29 klımattyq konferentsııasy aıasynda «Álemdik dinder jasyl ǵalam úshin» atty ІІІ Din kóshbasshylarynyń jahandyq sammıti ótip jatyr.

Іs-sharaǵa 30-ǵa jýyq álemdik dinı kóshbasshylar, sonyń ishinde Vatıkan men Ál-Azhardyń joǵary laýazymdy tulǵalary, sondaı-aq 55 el men 30 halyqaralyq uıymnyń ókilderi qatysty. Qatysýshylar arasynda ártúrli mádenı jáne dinı ortadaǵy ǵalymdar, din kóshbasshylary jáne BAQ ókilderi bar.

Eki kúnge sozylatyn sammıt qatysýshylardyń klımattyń ózgerýiniń etıkalyq jáne moraldyq saldary týraly habardarlyǵyn arttyrýǵa baǵyttalǵan.

Ázerbaıjan jahandyq dıalogtyń ıesi retinde eldiń turaqty damýǵa degen umtylysyn qýattady.

Sammıt sonymen qatar COP29 maqsattaryna sáıkes konfessııaaralyq dıalog alańyn qamtamasyz etedi.

Prezıdent Ilham Álıev sammıtke úndeý joldap, onda COP29 kótergen máselelerdi sheshýdegi konfessııaaralyq dıalogtyń rólin atap ótti. Ázerbaıjan basshysy yqpaldy dinı daýystar bolashaq urpaq úshin qorshaǵan ortany qorǵaýǵa kómektesetinin atap ótti.

— Túrli senimder men nanymdardyń baı rýhanı áleýeti klımattyń ózgerýinen týyndaǵan ekzıstentsıaldy máselelerdi sheshýge serpin bere alady. Bul syn-qaterlerge qarsy kúreste álemniń dinı kóshbasshylary úlken ról atqara alady, — dedi prezıdent Ilham Álıev óz joldaýynda.

Bir qyzyǵy, sammıttiń kún tártibinde álemdegi basty ekologııalyq máselelerdiń biri sanalatyn jáne jergilikti klımatqa keri áserin tıgizetin Aral teńiziniń qurǵaý problemasy da boldy. Ortalyq Azııa aımaǵynda aýqymdy jobalar júzege asyrylyp, klımattyq daǵdarysty eńserý baǵytynda eleýli jumystar atqarylyp jatqany aıtyldy.

Іs-shara nátıjesinde sammıttiń qorytyndy qujaty — Baký deklaratsııasy jáne álemdik din kóshbasshylarynyń Bakýde ótetin COP29 qatysýshylaryna úndeýi qabyldanady.

Buǵan deıin Prezıdent Qasym-Jomart Toqaev Túrki memleketteri uıymynyń sammıtine qatysý úshin Bishkekke barǵany habarlandy.