Bakýde 15 adam etıl spırtinen ýlanyp kóz jumdy

Qaıtys bolǵandar spırttiń joǵary mólsheri bar gıgıenalyq quraldardy qoldanǵan bolýy múmkin, dep habarlaıdy Ázerbaıjannyń Bas prokýratýrasynyń málimetine súıengen Kazinform agenttiginiń menshikti tilshisi.

- 22-23 aqpanda Baký qalasynyń Sabýnchı aýdanyndaǵy ártúrli mekenjaılarda 15 adamnyń qaıtys bolǵany tirkeldi. Bul fakti boıynsha Ázerbaıjan Respýblıkasynyń Qylmystyq kodeksiniń 314.3-baby (eki nemese odan da kóp adamnyń ólimine ákelgen nemquraılylyq) boıynsha qylmystyq is qozǵaldy, aldyn ala tergeý júrgizilip jatyr. Prokýratýra qyzmetkerleri, krımınalıst-sarapshylar jáne sot-medıtsınalyq sarapshylar qylmys oryndary men marqumdardyń denelerin tekserip, zattaı dálelderdi tárkiledi, – delingen habarlamada.

Aldyn ala qorytyndylar boıynsha, qurbandar quramynda 75% jáne 95% spırti bar ártúrli gıgıenalyq quraldardy qoldanǵan.

- Oqıǵa ornynan bos flakondar men basqa da zattaı aıǵaqtar tárkilendi. Tergeý júrgizilip jatyr, – dep habarlady Bas prokýratýra.

Qańtar aıynda Ázerbaıjanda turǵyn úıde qol granatasynyń jarylýy saldarynan bes adamnyń qaza tapqan edi.

Ázerbaıjan qaýipsizdik kúshteri lańkestik árekettiń aldyn alǵan edi.