Baký Jozep Borreldi qos standart úshin aıyptady
BAKÝ. KAZINFORM – Ázerbaıjan baspasóz qyzmetiniń basshysy Aıhan Gadjızadeniń málimdeýinshe, Eýrokomıssııa tóraǵasynyń orynbasary, Eýropa odaǵynyń Syrtqy ister jáne qaýipsizdik saıasaty jónindegi joǵarǵy ókili Jozep Borreldiń qaýipti rıtorıkasy – qos standart úlgisi, dep habarlaıdy Trend.
22 qańtarda Jozep Borrel Eýropalyq Odaq Ázerbaıjan prezıdenti Ilham Álıevtiń Armenııa aýmaǵyndaǵy shaǵymdaryna alańdaıtynyn, Armenııa egemendigin kez kelgen buzý Brıýssel men Baký arasyndaǵy qarym-qatynastar úshin aýyr zardaptarǵa ákeletinin aıtty.
Ázerbaıjan Syrtqy ister mınıstrligi onyń sózderine qatysty túsinikteme berdi. Ázerbaıjan SІM baspasóz qyzmetiniń jetekshisi Aıhan Gadjızade Borreldiń qaýipti rıtorıkasy qos standarttyń aıqyn mysaly ekenin aıtty.
«Biz Eýropalyq Odaqtyń Syrtqy ister jáne qaýipsizdik saıasaty jónindegi joǵarǵy ókili – EO Komıssııasynyń vıtse-prezıdenti Jozep Borreldiń 2024 jylǵy 22 qańtarda Halyqaralyq qatynastar keńesiniń qorytyndysy boıynsha ótken baspasóz máslıhaty barysynda Ázerbaıjanǵa taǵylǵan negizsiz aıyptaýlaryn úzildi-kesildi joqqa shyǵaramyz. EO Joǵary ókiliniń anyq faktilerdi burmalaýy – Ázerbaıjannyń zańdy múddelerin elemeý jáne mundaı qoqan-loqqy rıtorıka Ázerbaıjan men EO arasyndaǵy qarym-qatynastardy odan ári shıelenistiretin qos standarttyń aıqyn mysaly», - dep atap ótti A.Gadjızade.
Budan basqa, onyń aıtýynsha, Eýroodaq ókiliniń Frantsııamen dıplomattardy jóneltýge baılanysty nıettestigi týraly málimdemesi júrgizilip jatqan zańdy tergeýge ashyq aralasý ǵana emes, sonymen qatar Ázerbaıjannan shyǵarylǵan frantsýz dıplomattarynyń zańsyz áreketterin aqtaý.
«Mundaı birjaqty málimdeme Frantsııadaǵy Ázerbaıjan dıplomattaryna qarsy negizsiz sharalardy elemeýmen qatar dıplomatııalyq minez-qulyqtyń barlyq erejeleri men nusqaýlaryn ashyq elemeıtin jáne isti tergeýden bas tartatyn keıbir memleketterdiń bul qurylymǵa qalaı keri áserin tıgizetinin tanytyp tur. Ázerbaıjan óziniń halyqaralyq mindettemeleri men halyqaralyq quqyqqa adal bola otyryp óziniń ulttyq múddelerine qaıshy keletin kez kelgen málimdeme men qoqan-loqqy tilin zańdastyrý áreketterin qaıtaryp otyrady», - dep qosty Gadjızade.
Eske sala ketsek, Bakýdegi Frantsııa elshiliginiń eki qyzmetkeri dıplomatııalyq dárejesine saı kelmeıtin qyzmeti úshin non-grata tulǵa dep tanyldy.
Frantsııa bıligi Bakýdiń áreketine jaýap retinde eki ázerbaıjandyq dıplomatty elden shyǵaryp jiberdi.
17 qańtarda Frantsııa senaty EO-ny Ázerbaıjanǵa qarsy sanktsııalar, sonyń ishinde munaı men gaz ımportyna embargo jáne sheneýnikterdiń múlkin tárkileýdi talap etetin qarar qabyldady. Qarar 2023 jyldyń 19-20 qyrkúıeginde Ázerbaıjannyń Qarabaqtaǵy «jergilikti sıpattaǵy antıterrorlyq operatsııalaryn» aıyptaıdy.
Sondaı-aq qujat «mádenı jáne dinı muranyń jaǵdaıy týraly» baıandama daıyndaý úshin ıÝNESKO mıssııasyn Qarabaqqa jiberýdi talap etedi. Qaýly jobasyna 339 senatordyń 336-sy daýys berdi.
