Baký-Tbılısı-Kars temirjolynyń ótkizý qabileti 5 esege artty
ASTANA. KAZINFORM – Qazaqstan Respýblıkasy Kólik vıtse-mınıstri Jánibek Taıjanov Grýzııanyń Ahalkalakı stantsııasynda ótken Baký–Tbılısı–Kars temirjolynyń resmı ashylý saltanatyna qatysty.
Kólik mınıstrliginiń málimetinshe, is-shara 2 maýsym kúni uıymdastyryldy.
Baký-Tbılısı-Kars temirjoly Transkaspıı halyqaralyq kólik baǵytynyń mańyzdy býyndarynyń biri sanalady. Atalǵan baǵyt Ázerbaıjan, Grýzııa jáne Túrkııa temirjol jelilerin baılanystyryp, Qazaqstannan Kaspıı teńizi arqyly Túrkııa men Eýropa elderine júk jetkizý múmkindigin keńeıtedi.
Vedomstvo BTK ınfraqurylymyn damytý Qazaqstannyń tranzıttik áleýetin odan ári nyǵaıtýǵa, halyqaralyq júk tasymaly kólemin arttyrýǵa jáne Eýrazııa keńistigindegi logıstıkalyq tizbekterdiń tıimdiligin kúsheıtýge yqpal etetinin atap ótti
Temirjol magıstraliniń jalpy uzyndyǵy 827 shaqyrymdy quraıdy. Baǵyt 2017 jyldan beri synaq rejıminde paıdalanylyp keledi.
2023 jyldyń mamyry men 2024 jyldyń mamyry aralyǵynda jelide aýqymdy jańǵyrtý jumystary júrgizilip, onyń ótkizý qabileti edáýir ulǵaıtyldy.
– Qaıta jańǵyrtý jumystarynan keıin Baký-Tbılısı-Kars temirjolynyń jyldyq ótkizý qabileti 1 mıllıon tonnadan 5 mıllıon tonnaǵa deıin artty, – delingen habarlamada.
Aıta keteıik, buǵan deıin Beıneý – Mańǵystaý temirjol jobasy qashan aıaqtalatyny habarlandy.
