Baký-Tbılısı-Djeıhan qubyr júıesi arqyly munaı jóneltý qalpyna keldi

ASTANA. KAZINFORM — 13 qyrkúıekte Aqtaý portynan Baký-Tbılısı-Djeıhan baǵytyna qaraı Qashaǵan munaıynyń 8,8 myń tonnasy jóneltildi, kelesi partııa 20 qyrkúıekke josparlanyp otyr. Bul týraly QazMunaıGaz málimdedi.

Eske sala ketsek, atalmysh baǵyt boıynsha munaı tasymaly bıyl tamyz aıynda toqtatylǵan edi.

BTD baǵyty boıynsha 2025 jyldyń 8 aıynda Qazaqstan munaıyn tasymaldaý kólemi 0,9 mln tonnany qurady.

2022 jyly QazMunaıGaz ben Ázerbaıjannyń SOCAR memlekettik munaı kompanııasy arasynda Qazaqstan munaıynyń tranzıti týraly bas kelisimge qol qoıyldy.

2024 jyly QMG men SOCAR arasynda Ázerbaıjan Respýblıkasynyń aýmaǵy arqyly munaı tranzıtin kezeń-kezeńimen ulǵaıtý týraly kelisim jasaldy.

Baký-Tbılısı-Djeıhan munaı qubyrynyń paıdasy men syn-qateri qandaı ekenin mynaý siltemeden oqı alasyzdar.