Baký, Tbılısı, Ankara men Sofııa «jasyl» energııa dálizin salý týraly kelisti

ASTANA. KAZINFORM – Memorandýmǵa Bakýde Ázerbaıjan, Grýzııa, Túrkııa men Bolgarııa energetıka mınıstrleri qol qoıyp, qalpyna keletin energııa dáliziniń qalyptasýyna negiz qalady, dep habarlaıdy Kazinform agenttiginiń menshikti tilshisi.

Qujatqa Jasyl energetıka boıynsha Konsýltatıvtik keńes aıasynda Ońtústik gaz dálizi men 3-shi mınıstrlik májilisi Konsýltatıvtik keńesi aıasyndaǵy 11-shi mınıstrlik májilisinde qol qoıyldy.

Májiliske Ázerbaıjannyń energetıka mınıstri Pıarvız Shahbazov, Grýzııanyń ekonomıka jne turaqty damý mınıstriniń orynbasary Vahtang Tsıntsadze, Túrkııanyń energetıka jáne tabıǵı resýrstar mınıstri Alparslan Baıraktar men Bolgarııanyń energetıka mınıstri Jecho Stankov qol qoıdy.

Bolgarııa energetıka mınıstri Jecho Stankovtyń aıtýynsha, jańa dáliz «jasyl» elektr energııasyn Kaspıı óńirinen ońtústik-shyǵys Eýropaǵa, naqtyraq aıtqanda, Bolgarııa, Rýmynııa jáne Majarstanǵa jetkizilýin qamtamasyz etedi.

Memorandým jobasyn 4 memleket 7 aqpanda kelisken.

Qujat 3 jylǵa eseptelgen. Eger taraptardyń eshqaısysy kelisimniń toqtatylýyn talap etpese, onyń merzimin avtomatty túrde keıingi úsh jylǵa sozýǵa bolady.

Qujat talaptaryna sáıkes, tórt memlekettiń energetıka mınıstrleri elektr energııasyn berý men saýdalaý múmkindikterin keńeıtýge baǵyttalǵan energııa júıesin jańǵyrtý men birlesken ınvestıtsııalyq jobalardyń múmkindikterin zerdeleý úshin memlekettik jáne jeke sektordyń yntymaqtastyǵyn nyǵaıtýǵa yqpal etetin bolady.

Memorandým jasyl energııa salasy boıynsha birlesken jobalardy jetildirip, oǵan qajetti ınfraqurylym qalyptastyryp, bilim jáne tehnologııa almasý, sonymen qatar ekijaqty ózara tıimdi bastamalardy qoldaýǵa kelisýdi bildiredi.

Osyǵan deıin biz Mırzıeev Qazaqstanmen birlesip, jasyl energııany eksporttaý kelisimin maquldaǵany týraly jazdyq.