Baký men Erevan beıbit kelisim mátini boıynsha kelissózdi aıaqtady

ASTANA.KAZINFORM — Kelisimniń mátini daıyn, Armenııa kelisimniń sońǵy eki kelisilmegen tarmaǵy boıynsha Ázerbaıjan usynysyn qabyldady, dep habarlaıdy Kazinform agenttiginiń tilshisi.

Баку мен Ереван бейбіт келісім мәтіні бойынша келіссөзді аяқтады
Фото: Ара ақпарат агенттігі

— Ázerbaıjan men Armenııa arasyndaǵy beıbit kelisim mátini boıynsha kelissózder protsesi aıaqtaldy. Armenııa kelisimniń qalǵan eki tarmaǵyn qabyldaǵany týraly bizge habarlady. Kelisim mátinine qatysty jumys tolyq aıaqtaldy, – dep málimdedi Ázerbaıjan Syrtqy ister mınıstri Djeıhýn Baıramov baspasózge bergen málimdemesinde.

Baıramov Baký Erevannyń Konstıtýtsııany ózgertýin kútip otyrǵanyn eske saldy.

— Kelesi qadam retinde Ázerbaıjan tarapy Armenııa Konstıtýtsııasynda jáne basqa da normatıvtik-quqyqtyq aktilerinde Ázerbaıjannyń aýmaqtyq tutastyǵy men egemendigine qatysty talaptardy Konstıtýtsııalyq túzetýler engizý arqyly joıýdy kútedi, — dep atap ótti Ázerbaıjan Syrtqy ister mınıstri.

Armenııa Syrtqy ister mınıstrligi taraptardyń kelissózderdi aıaqtap, beıbit kelisim jobasyn maquldaǵanyn rastady.

— Beıbit kelisimge qol qoıýǵa daıyn. Armenııa Respýblıkasy kelisimge qol qoıý merzimi men orny boıynsha Ázerbaıjan Respýblıkasymen konsýltatsııalardy bastaýǵa ázir, — delingen Armenııa SІM málimdemesinde.

Buǵan deıin beıbit kelisim jobasy mátini boıynsha aıtarlyqtaı progress jasalǵany habarlanǵan bolatyn.

Sondaı-aq, Erevan men Baký beıbit kelisimniń 17 babynyń 15-i boıynsha kelisimge kelgeni atap ótildi. Áli kelispegen eki bap – halyqaralyq sot ınstantsııalarynda bir-birine talap qoıýdan bas tartý jáne shekaraǵa úshinshi kúshterdi ornalastyrýǵa jol bermeý týraly erejeler.

Сейчас читают