Baký qalasynda Kaspıı aımaǵyndaǵy eń iri kórme - BakuTel - 2011 ótip jatyr
BAKÝ. 23 qarasha. QazAqparat /Berik Hamıdov/ - Búgin Baký Ekspo ortalyǵynda Kaspıı jáne Kavkaz aımaqtaryndaǵy BakuTel-2011 atty eń iri telekommýnıkatsııalyq kórme ashyldy.
Bıyl jyl saıynǵy BakuTel kórmesin ótkizý Ázirbaıjan baılanysynyń mereıtoıyn toılaýmen qatar keldi. 130 jyl buryn aǵaıyndy Nobelder Bakýda alǵashqy telefondyq jelisin ótkizgen edi, sol ýaqyttan beri Ázirbaıjan baılanys ındýstrııasynyń tarıhyn júrgizip keledi. BakuTel aıasynda Ázirbaıjandaǵy baılanystyń aıryqsha mereıtoıyna óte tyǵyz iskerlik baǵdarlama, túrli sharalardy ótkizý oraılastyrylǵan.
Kórmege álemniń 29 elinen kelgen 250 kompanııa qatysýda. Jergilikti ІT kompanııalar, mobıldik operatorlar, dıstrıbıýtorlar, baılanys operatorlary, qyzmet kórsetý kompanııalary kórmeniń 40 %-nan astamyn aldy. Dástúrli túrde BakuTel kórmesiniń únemi qatysýshylary bolyp tabylatyn ІT tehnologııalardyń álemdik naryǵynyń iri oıynshylary keldi.
BakuTel 2011 ekspozıtsııasynda birneshe negizgi baǵyttardy atap ótýge bolady: telekommýnıkatsııa, ǵalamtor, baǵdarlamalyq qamtý jáne spýtnıktik baılanys. Odan basqa, tórt kúnniń ishinde kórermender nazaryna keń baılanys jáne tehnologııalar, kabel men symsyz baılanys, teleradıo habar taratýdyń jabdyqtary men tehnologııalary, ІT jáne keńse tehnologııalary, qaýipsizdik júıeleri, bank tehnologııalary men qyzmet kórsetýleri, ǵarysh óndirisi úshin jabdyqtar men qyzmet kórsetýlerin usynady. Bul arqyly aqparattyq-kommýnıkatsııalyq tehnologııalardyń derlik barlyq segmentterin qamtyp, kórme jergilikti salalyq naryqtyń múmkindikteri men sheteldik seriktestermen yntymaqtastyǵynyń keleshegin keńeıtedi.
Bıylǵy jyly kórme Baký Ekspo ortalyǵynyń eki pavılony men ashyq alańyn alyp otyr jáne sol arqyly BakuTel-2011 2010 jylmen salystyrǵanda eki ese artyq ósýin kórsetip otyr.
Kórmeniń bas demeýshisi - Microsoft korporatsııasy bolyp tabylady.
