Baký Erevanmen bitimge kelýdiń negizgi sharttaryn atady
ASTANA. KAZINFORM – Ázirbaıjan Syrtqy ister mınıstrligi Baký men Erevan arasynda beıbit kelisimge qol qoıý shekaradaǵy qarýly arandatýshylyqtar toqtatylyp, Armenııa Konstıtýtsııasyna Bakýge qatysty aýmaqtyq talaptardy boldyrmaıtyn túzetýler engizilgen jaǵdaıda múmkin bolatynyn habarlady. Bul týraly Kazinform agenttiginiń tilshisi habarlady.
— Biz Armenııanyń Konstıtýtsııasyna Ázirbaıjannyń egemendigi men aýmaqtyq tutastyǵyna qatysty shaǵymdardy joıýǵa baǵyttalǵan túzetý engizý jónindegi mátinge qol qoıýdyń qajetti sharty bolyp tabylatyny týraly prıntsıpti ustanymymyzdy taǵy da rastaımyz, — dedi Ázirbaıjan Syrtqy ister mınıstrliginiń baspasóz hatshysy Aıhan Hadjızade.
Ol 2022 jyldyń basynda beıbit kelisim boıynsha jumys isteýdi usynyp, alǵashqy qadamdardy jasaǵan Ázirbaıjan ekenin, al Armenııa protsesti buzýǵa kúsh salǵanyn eske saldy.
Syrtqy ister mınıstrliginiń ókili Erevannyń kóliktik kommýnıkatsııalardy ashý jónindegi mindettemelerin áli de oryndamaǵanyn jáne shekaralas aımaqtarda áskerı qýatyn arttyrýdy jalǵastyryp jatqanyn, bul beıbitshilik kún tártibine sáıkes kelmeıtinin atap ótti.
— Shekaradaǵy atys oqıǵalaryn, sondaı-aq Armenııa áskerı qyzmetkerleriniń ashyq arandatýshylyqtaryn toqtatý da turaqtylyqtyń qajetti sharty bolyp tabylady. Ázirbaıjan sondaı-aq Armenııanyń jappaı qarýly kúshterin jınaqtaýyna, ásirese shekaralyq aımaqtarǵa shabýyldaý qarýyn ornalastyrýǵa qatysty túsinikteme kútedi, — delingen habarlamada.
Onyń aıtýynsha, Baký eskirgen jáne tıimsiz Mınsk tobyn jáne EQYU-ǵa qatysty qurylymdardy resmı túrde joıý qajettigin alǵa tartyp otyr.
Buǵan deıin Armenııa premer-mınıstriniń keńsesi Bakýdi atysty toqtatý rejımin buzdy dep aıyptaýǵa baılanysty málimdeme jasaǵan bolatyn.
Ótken aptada Baký men Erevan bitimgershilik kelisim mátini boıynsha kelissózderdiń aıaqtalǵanyn rastady.