Baký Erevandy tez arada beıbit kelisimge qol qoıýǵa shaqyrdy

ASTANA. KAZINFORM - Ázerbaıjan tarapy Armenııany bitimgershilik kelisimge qol qoıý protsesin jedeldetýge shaqyrdy, dep habarlady Ázerbaıjan prezıdentiniń arnaıy ókili Elchın Amırbekov argentınalyq Perfil basylymyna bergen suhbatynda. Bul týraly Kazinform tilshisi habarlaıdy. 

— Armenııany kelisimge kelýge ıtermeleıtin faktorlardyń biri — bul múmkindiktiń máńgilik bolmaıtynyn túsiný jáne ony jiberip alý qatelik, - dedi E.Amırbekov.

Onyń aıtýynsha, osy aıda aıaqtalǵan Baký men Erevan arasyndaǵy bitimgershilik kelisiminiń mátini boıynsha kelissózder qarym-qatynastardy qalypqa keltirýge jáne dıplomatııalyq baılanystardy ornatýǵa jol ashady. 

— Alaıda bul úshin Armenııa konstıtýtsııasyna ózgerister engizip, aýmaqtyq talaptardan bas tartyp, shekaralas aımaqtardan sheteldik kúshterdi shyǵarýy kerek. Beıbitshilik kelisimi sońy emes, bastamasy. «Beıbitshilik málimdemelerge emes, naqty qadamdarǵa negizdeledi», - dedi Ázerbaıjan sheneýnigi.

Buǵan deıin Armenpress agenttigi Armenııa premer-mınıstri Nıkol Pashınıannyń Ázerbaıjanmen qazirdiń ózinde kelisilgen bitimgershilik kelisim jobasyna qol qoıýǵa daıyn ekenin, 18 naýryzda Baký Erevanmen beıbitshilik ornatýdyń negizgi sharttaryn atady, onyń ishinde shekaradaǵy qarýly arandatýshylyqtardy toqtatý jáne Armenııa Konstıtýtsııasyna túzetýler engizý bar.

13 naýryzda Ázerbaıjan men Armenııanyń Syrtqy ister mınıstrlikteri taraptar kelissózderdi aıaqtap, bitimgershilik kelisiminiń jobasyn keliskenin rastady.