«Baký-Almaty» ushaǵynda tártip buzǵan Úndistannyń úsh azamaty jazalandy
NUR-SULTAN. QazAqparat – Tártip saqshylary «Baký-Almaty» áýe reısinen Úndistannyń úsh azamatyn túsirip aldy, dep habarlaıdy QazAqparat tilshisi QR ІІM Kóliktegi polıtsııa departamentiniń baspasóz qyzmetine silteme jasap.
«6 qarasha kúni Almatydaǵy halyqaralyq áýejaıdyń jelilik polıtsııa bólimine «Eır Astana» áýe kompanııasynyń ókilinen shaǵym túsip, «Baký-Almaty» áýe reısiniń bortynda tártip buzǵan jolaýshylar bary habarlanǵan. Shaǵym túsirýshilerdiń sózinshe, ushaq bortyndaǵy shetel azamattary áýe kemesiniń borttyq erejesin buzyp, ekıpajdyń eskertýin elemeı, basqa jolaýshylardyń da mazasyn alǵan», - dep habarlaıdy departamentten.
Tekserý barysynda quqyqbuzýshylardyń 34, 40 jáne 41 jastaǵy Úndistan azamattary ekeni anyqtalǵan.
«Іstiń mán-jaıy anyqtalǵansha úsheýi de joǵaryda atalǵan reısten túsirildi» delingen habarlamada.
Kólik polıtseıleri shetel azamattarynyń ústinen QR ÁQBtK-niń 566-baby 1-bóligi boıynsha (Áýe kemesiniń bortynda tártip buzý) ákimshilik hattama toltyryp, árqaısysyna 3 AEK-ten aıyppul saldy.
