Baký 2026 jyly álemdik sporttyń astanasy bolady
ASTANA. KAZINFORM — Ázerbaıjan astanasynda memlekettik organdar ókilderi men Eýropanyń sport astanalary men qalalary federatsııasynyń (ACES) ókilderi qatysqan «Álemniń sport astanalary» estelik taqtasyna qol qoıýdyń resmı rásimi ótti, dep AZƏRTAC jazdy.
Osylaısha, «Álemdik sport astanasy» ataǵy resmı túrde Monakodan Bakýge ótti.
Baký qalasynyń atqarýshy bıliginiń basshysy Eldar Azızov Bakýdiń Álemdik sport astanasy bolyp tańdalýyn qýanyshty ári mańyzdy oqıǵa dep atady. Onyń aıtýynsha, Prezıdent Ilham Alıevtiń erekshe qoldaýy men qamqorlyǵynyń arqasynda sport eldiń barlyq óńirinde qarqyndy damyp keledi.
Jastar jáne sport mınıstri Farıd Gaıbov Ázerbaıjannyń buǵan deıin kóptegen halyqaralyq sporttyq jarystardy qabyldaǵanyn eske saldy. Onyń sózinshe, aldaǵy jyly Bakýde budan da qyzyqty ári aýqymdy sporttyq básekeler ótedi dep kútiledi.
Al ACES prezıdenti Djan Franchesko Lýpatellı Bakýdiń árdaıym sportty damytýda aldyńǵy qatarda bolǵanyn jáne qalanyń sporttyq ınfraqurylymynyń joǵary deńgeıimen erekshelenetinin atap ótti.
ACES — shtab-páteri Brıýsselde ornalasqan, kommertsııalyq emes uıym. Ol jyl saıyn ártúrli qurlyqtardaǵy qalalarǵa «Sport astanasy» ataǵyn jáne ózge de sporttyq marapattar tabystaıdy. Bul ataqtar men marapattar etıkalyq qaǵıdattarǵa negizdelip, qoǵamdaǵy áleýmettik ıntegratsııany, psıhofızıkalyq ál-aýqatty jáne ómir sapasyn jaqsartýǵa baǵyttalǵan. Sondaı-aq ACES — Eýropalyq komıssııa uıymdastyratyn Eýropa sport aptasynyń resmı seriktesi ári ıÝNESKO-nyń seriktesi.
Buǵan deıin Bakýde eki kabatty metro qurylyp jatqanyn jazǵan edik.
