Baqtyqoja Іzmuhambetov Respýblıkalyq ardagerler uıymynyń tóraǵasy bolyp saılandy

ASTANA. QazAqparat - Búgin «Ardagerler uıymy» respýblıkalyq qoǵamdyq birlestigi Ortalyq keńesi tóralqasynyń kezekti otyrysy ótti.

Kún tártibinde Ómirzaq Ozǵanbaevtyń óz erkimen ornyn bosatýy jáne «Ardagerler uıymy» RQB jańa tóraǵasyn saılaý týraly másele qaraldy.

Tóralqa músheleri   «Ardagerler uıymy» RQB   tóraǵasy laýazymyna  Baqtyqoja Salahatdınuly Іzmuhambetovtiń kandıdatýrasyn biraýyzdan qoldady.

Tóralqa otyrysynyń qorytyndysy boıynsha B. Іzmuhambetovti Ortalyq ardagerler keńesi tóraǵasynyń mindetin atqarýshynyń laýazymyna taǵaıyndaý jáne onyń kandıdatýrasyn kezekti plenýmda qaraýǵa shyǵarý týraly qaýly qabyldandy.

«Ardagerler uıymy» RQB tóraǵasynyń orynbasary laýazymyna Ó. Ozǵanbaevtyń kandıdatýrasy maquldandy.