Baqtııar Jamanǵaraevty izdeýge 200-den astam erikti atsalysýda
ASTANA. QazAqparat - Astanada Qazaq gýmanıtarlyq-zań ýnıversıtetiniń túlegi Bahtııar Jamanǵaraev joǵalyp ketti.
11 tamyz kúni 14:00 saǵat shamasynda Bahtııar Jamanǵaraev Báıterek monýmenti mańynda «Dıplomat» turǵyn-úı keshenindegi óz páterinen shyǵyp, sodan beri qaıtyp oralmaǵan. Bahtııar Astana áýejaıynan anasyn kútip alýy kerek bolǵan, alaıda sol beti áýejaıǵa jetken de joq. Kóp uzamaı, Jamanǵaraevtyń kóligi de tabyldy. Anyqtalǵanyndaı, kólik lombardqa tapsyrylǵan. Joǵalyp keterdiń aldynda Bahtııar býkmekerlik keńselerdiń birinde bás tikken, onyń qumar oıyndarǵa áýes bolǵany da belgili.
Onyń joǵalyp ketkendigi týraly habarlar Instagram men Feısbýk áleýmettik jelilerinde taratylýda.
«Kómekterińiz qajet! Jas jigit joǵalyp ketti! Aty - Bahtııar Jamanǵaraev! QazGZÝ-diń túlegi. Týǵan-týystary onymen habarlasa almaı otyrǵandaryna birneshe kúnniń júzi boldy. Qandaı da bir aqparat bolsa, myna nómirlerge habarlasýlaryńyzǵa bolady: 8771 775 04 09», - delingen týystary men dostary taratqan habarlamada.
Jamanǵaraevtyń týystary bergen málimetter boıynsha, Bahtııardyń boıy - 170-175 sm, ortasha deneli.
Astananyń ІІD Bahtııar Jamanǵaraevtyń joǵalyp ketkeni týraly aqparatty rastap otyr. Polıtseılerdiń habarlaýynsha, izdeý jumystary júrip jatyr.
«11 tamyzda B.Jamanǵaraevtyń joǵalyp ketkeni jóninde týystary aryz berdi. Qazirgi ýaqytta joǵalyp ketken azamatty tabý boıynsha jedel-izdestirý sharalary qolǵa alyndy. Іzdeý isi qozǵaldy», - dep habarlady ІІD «QazAqparat» tilshisine bergen jaýabynda.
Qazir B.Jamanǵaraevty izdeýge 200-den astam erikti qatysýda.
