Baqtııar Artaevqa ıÝNEIDS-tiń Qazaqstandaǵy elshisi mandaty tabystaldy
ASTANA. QazAqparat - Elordadaǵy «Han Shatyr» saýda oıyn-saýyq ortalyǵynda «Densaýlyqqa quqyǵym bar/Right to health/Pravo na zdorove» degen ataýmen qala turǵyndaryna arnalǵan aýqymdy aktsııa ótýde.
SPID-ke qarsy kúres aılyǵy qarsańyna oraılastyrylǵan shara barysynda Olımpıada chempıony Baqtııar Artaevqa ıÝNEIDS-tiń Qazaqstandaǵy arnaıy elshisiniń mandaty tabys etildi, dep habarlaıdy QazAqparat.
«Bul qurmetinen bólek jaýapkershiligi de zor jumys. Óıtkeni biz AITV-pen aýyratyn adamdardyń jaǵdaıyn bilemiz. Bul óte kúrdeli másele. Al arnaıy elshi retinde maǵan júkteletin mindet - halyq arasyna shyǵyp bul aýrýdan qaı jerde emdelýge bolatyndyǵyn, qalaı aldyn alý kerektigin túsindirý, nasıhattaý. Máselen, meniń túsinýimshe, kóp adamdar aýrýyn jasyryp, ózderin qoǵamnan tys qalǵan jandar retinde túsinedi. Sondyqtan ásirese jastardy sportqa, bilimge buryp, psıhologııalyq ońaltý jumystaryn júrgizý qajet», - dedi Baqtııar Artaev mandat tapsyrý rásiminen keıin QazAqparat tilshisine bergen suhbatynda.
Bokstan elimizdiń jeti dúrkin chempıony, Olımpıada chempıony, Val Barker kýbogynyń ıegeri Qazaqstandaǵy arnaıy elshisi bolyp qana qoımaı Eýrazııa qurlyǵyndaǵy 15-ke jýyq elde de jumys isteıtin bolady. ıAǵnı, atalǵan elderdi de aralap, ıÝNEIDS-pen birge AITV-ke qarsy jumystar júrgizedi. Aıta keterligi, aldaǵy ýaqytta Baqtııar Máskeýge baryp, elshi retinde qaı baǵytta jumystar júrgizetindigin tanystyrady.
«Jospar bar. Kreatıvti adam bolǵannan keıin oılar da óte kóp. Jaqsy keńester beremin dep oılaımyn. Máskeýde jumys baǵytymdy tanystyrǵanda ony bile jatasyzdar»,- dedi Baqtııar Artaev.
Aıta keteıik, álem boıynsha ár jyl saıyn 2 mıllıonǵa jýyq adam AITV juqpasyn juqtyrady. Al Astana qalasynda ótken 11 aıda jańadan 218 jaǵdaı anyqtaldy.
