Baqtııar Artaev: Genanyń sońǵy jekpe-jeginde teń túskenine qýanamyn

AQTAÝ. QazAqparat - Boksshy Baqtııar Artaev Gennadıı Golovkın men Saýl Alvarestiń arasyndaǵy kezdesýdiń teń túskenine qýanǵanyn aıtty, dep habarlaıdy «QazAqparat» tilshisi.

Ol muny Aqtaýda KSRO sport sheberi atanǵan tuńǵysh qazaqstandyq boksshy Shoqyr Bóltekulyna arnalǵan H halyqaralyq týrnırdiń ashylýyna baılanysty ótkizilgen kezdesýde aıtty.

«Gena men Alvarestiń teń túskenine qýanamyn. Bireýler aıtatyn shyǵar, Baqtııar Genany kóre almaı júr dep. Joq, kóre almaı júrgen eshteńem joq. Genanyń utylyp qalmaǵanyna qýandym. Óıtkeni buzaqy tóreshilerdiń otyrǵanyn kórgen kezde jalpy solaı bolatyny belgili boldy. Negizi jekpe-jekti alyp qoımaǵanyna shúkir deý kerek. Eger dóp tıgen soqqylardyń balyna súıensek, meniń oıymsha, Alvareske soqqy kóbirek tıgen sııaqty», - dedi ol «QazAqparat» tilshisine.

Aıta keteıik, Gennadıı Golovkın men Baqtııar Artaev boks rınginde 5 ret kezdesken edi. Onyń úsheýinde Golovkın jeńgen bolatyn .

Foto: confederation.kz

Rysgúl Ramazanova