Baqtııar Artaev 8 shilde kúni daýly oqıǵaǵa qatysty baspasóz máslıhatyn ótkizbek
ASTANA. QazAqparat - Olımpıada chempıony Baqtııar Artaev 8 shilde kúni daýly oqıǵaǵa qatysty baspasóz máslıhatyn ótkizbek, dep habarlaıdy Vesti.kz.
Onda chempıon «Fashion klýbynda Artaev meni uryp-soqty» dep aıyptap otyrǵan Aısulý Ibrashovanyń málimdemesine jaýap beredi.
Atalǵan saıtta oqıǵaǵa qatysty klýb kúzetshileri qyzdyń sózin joqqa shyǵarǵan aqparat shyqty.
"Klýb jumysyn bastap jatqan ýaqytta, shamamen saǵat 10-11 shamasynda Baqtııar Artaev dostarymen keldi. Olar bir ústelde ózara sóılesip, demalyp otyrǵan. Sol bir ýaqyt aralyǵynda bir qyzdyń Baqtııarǵa jaqyndaǵanyn baıqadym. Ol qyzdy klýbtan birneshe ret kórgenmin, esimde qalypty. Baqtııar eshkimge nazar aýdarmaı, dostarymen áńgimelesip otyra berdi. Olar birin biri tanıtyn shyǵar dep oılap, asa mán bergenim joq. Keıin áriptesterim sol qyzdyń aıqaı-shý shyǵarǵanyn aıtty", - dedi klýb kúzetshileriniń biri Baqytjan ıÝsýpalıev.
Kúzet qyzmetiniń bastyǵy Baǵdat Kúmisbekov oqıǵa kezinde mekemeni aralap júrgendikten eshteńe kórmegen, biraq ol óz qyzmetkerleriniń sózine senetinin jetkizdi.
Atap óteıik, bul oqıǵa boıynsha qylmystyq is qozǵalǵan. Atalǵan is boıynsha kúzetshiler quqyq qorǵaý organdarynyń qyzmetkerleri aldynda jaýap bergen
