Baqtıer Zaınýtdınov Qazaqstan ulttyq quramasynyń aldaǵy eki oıynyna qatyspaıdy

ASTANA. KAZINFORM - Ulttyq qurama naýryz aıynda 2026 jylǵy álem chempıonaty irikteý satysyndaǵy eki oıynyn ótkizedi.

Bul jóninde Qazaqstan fýtbol federatsııasy málim etti. 

El quramasy irikteý kezeńinde J tobynda oıyn kórsetedi.

Qarsylastary - Belgııa, Ýels, Soltústik Makedonııa jáne Lıhtenshteın.

Matchtar 2025 jyldyń naýryzynda bastalyp, qarasha aıynda aıaqtalady.

Aıta ketsek, Qazaqstan quramasy 22 naýryzda syrt alańda Ýelspen kezdesse, 25 naýryzda Lıhtenshteınge qarsy oınaıdy.

- Baqtıer Zaınýtdınov medıtsınalyq qaralymnyń qorytyndysy boıynsha aldaǵy oıyndarǵa qatysa almaıdy. Oıynshymyzǵa tezirek saýyǵyp ketkenin tileımiz, - dep jazylǵan habarlamada.

Aıta ketsek, budan buryn Baqtıer Zaınýtdınov quramanyń Túrkııadaǵy oqý-jattyǵý jıynyna kelip qosylǵanyn habarlaǵan edik.

Sondaı-aq ulttyq quramaǵa Maksım Samorodov, Stas Pokatılov, Nuraly Álip pen Georgıı Jýkov qosylǵan. Al Abat Aıymbetov, Ramazan Orazov pen Ǵalymjan Kenjebek jaqyn arada keledi.

Al Dinmuhamed Qaraman óz klýbyna oraldy. Al Dýlat Talyspaev pen Davıd Esimbekov Almatyda jıyn ótkizip jatqan Qazaqstan U-21 quramasyna qosyldy.