Baqtıer Zaınýtdınov aldaǵy oıyndarǵa qatysa almaıdy

ASTANA. KAZINFORM – Túrkııada oqý-jattyǵý jıynyn ótkizip jatqan fýtboldan Qazaqstan ulttyq quramasynda birqatar ózgeris boldy.

Qazaqstan fýtbol federatsııasynyń baspasóz qyzmetinen málim etkenindeı, Baqtıer Zaınýtdınov medıtsınalyq qaralymnyń qorytyndysy boıynsha aldaǵy oıyndarǵa qatysa almaıdy.

Quramaǵa Maksım Samorodov, Stas Pokatılov, Nuraly Álip pen Georgıı Jýkov qosyldy.

Abat Aıymbetov, Ramazan Orazov pen Ǵalymjan Kenjebek jaqyn arada keledi.

Sonymen qatar Dinmuhamed Qaraman óz klýbyna oraldy. Al Dýlat Talyspaev pen Davıd Esimbekov Almatyda jıyn ótkizip jatqan Qazaqstan U-21 quramasyna qosyldy.

Qazaqstan ulttyq quramasy 2026 jylǵy álem chempıonatyna irikteý kezeńinde J tobynda 22 naýryzda syrt alańda Ýelspen, 25-inde Lıhtenshteınmen oınaıdy.

Eske sala keteıik, budan buryn Baqtıer Zaınýtdınovtyń ulttyq qurama sapyna qosylǵanyn jazǵan bolatynbyz.