Bakterııaǵa qarsy sabyn satýǵa tyıym salyndy
ASTANA. QazAqparat -AQSh-tyń Mınnesota shtatynda bakterııaǵa qarsy trıklozan preparaty qosylǵan barlyq tutynýshylyq taýarlardy óndirý men satýǵa tyıym salyndy. Shtat gýbernatory Mark Deıton bekitken osy zań 2017 jyldan bastap kúshine enedi.
AQSh aýmaǵynda saýdalanatyn gıgıenalyq zattardyń shamamen 75 paıyzyna trıklozan qosylady eken. Ol sabynnyń, tis pastasynyń, maılyqtardyń quramynda bar. Sońǵy zertteýlerge qaraǵanda, trıklozan adamnyń aǵzasyna keri áser etedi. Janýarlarǵa jasalǵan zertteýler barysynda atalǵan zat bulshyq etterdiń qysqarý qabilettiligin álsiretetini, onyń ishinde júrektiń de bulshyq etine keri áserin tıgizetini anyqtaldy. Sonymen qatar trıklozan reprodýktıvti júıege zııan keltirip, uryqtardyń sanyn qysqartatyny, sondaı-aq gormondardyń bólinýin buzatyndyǵy belgili boldy.
