Baqtashylar Altaı qoıyn qazaqtyń kóshi-qon dástúrimen baǵady — sheteldegi qazaq baspasózi
Kazinform HAA sheteldegi qazaq tilinde taraıtyn aqparat kózderine aptalyq sholýyn usynady
Samarqandta jeti tonna palaý daıyndalady — ÓzA
Ózbek ulttyq taǵamdaryn keńinen nasıhattaý jáne gastronomııalyq týrızmdi damytý maqsatynda bıylǵy jyldyń 1–3 tamyzy aralyǵynda Samarqand qalasynda «Samarqand palaýy» halyqaralyq gastronomııalyq festıvali ótedi, dep jazady «ÓzA».
Habarlamada aıtylýynsha, bul sharany 14 elden kelgen 50-den astam jýrnalıst pen bloger tikeleı baqylap, áleýmettik jelilerde keńinen taratyp keledi.
Festıval baǵdarlamasyna sáıkes, búgin «Palaý — Ózbekstan halyqtarynyń ulttyq ashanasynyń mádenı jáne gastronomııalyq beınesi» taqyrybynda respýblıkalyq ǵylymı-tájirıbelik konferentsııa uıymdastyryldy.
Sondaı-aq osy aptada «ÓzA»-da «AQSh-ta 30 jastaǵy sábı dúnıege keldi» degen taqyryptaǵy aqparat jaryq kórdi.
Ózbekstandyq basylymnyń málimetinshe, AQSh-ta 30 jyldan astam ýaqyt boıy saqtalǵan embrıonnan bala ómirge kelgen.
MIT Technology Review jýrnalynyń habarlaýynsha, 26 shilde kúni dúnıege kelgen ul bala — Taddeýs Denıel Pırs «eń qart sábı» rekordyn jańartty.
Derekke sáıkes, balanyń ata-anasy 1994 jyly EKO (ekstrakorporaldy uryqtandyrý) jasaǵan áıeldiń embrıonyn «asyrap alǵan».
Barlyǵy tórt embrıon jasalyp, olardyń biri áıelge ornalastyrylǵan, qalǵan úsheýi krıokonservatsııalanyp, saqtalyp qalǵan.
Qytaıdaǵy eń uzyn metro aınalmasy ıAntszy ózeni túnelin kesip ótti — «Halyq gazeti»
16 shildede Ýhan Temirjol tranzıttik 12-inshi jelisi ıAntszy ózeniniń týnneli sátti aıaqtaldy. Jalpy uzyndyǵy 59,9 shaqyrymdy quraıtyn Ýhan Temirjol tranzıtiniń 12-inshi jelisi Qytaıdaǵy eń uzyn metro jelisi.
Bul týraly osy aptada Qytaıdyń «Halyq gazeti» basylymy habarlady.
Atalǵan BAQ-tyń málimetinshe, olardyń ishinde ıAntszy ózeni týnneliniń jalpy uzyndyǵy 4011 metr, al 2160 metrlik ıAntszy ózeni astynan ótetin bóleginiń maksımaldy kómilgen tereńdigi 45,5 metr. Ýhan Temirjol tranzıttik 12 jelisi salynyp, ashylǵannan keıin ol Ýhannyń 7 ortalyq qala aımaqtaryn baılanystyrady.
Sonymen qatar osy aptada «Halyq gazeti» basylymynda «Qytaıdaǵy asa tereń munaı-gaz aımaǵy táýligine 10 000 tonnadan astam munaı men gaz óndirdi» degen aqparat jaryq kórdi.
Qytaı ulttyq munaı-gaz korporatsııasynan alǵan aqparatyna sáıkes, Taklamakan shóliniń qaq ortasynda ornalasqan Qytaıdaǵy eń úlken tereń munaı-gaz aımaǵy bolyp tabylatyn Fýman munaı-gaz aımaǵy táýligine 10 000 tonnadan astam munaı men gaz óndirgen. Bul Qytaıdyń 8 myń metrlik ýltra tereńdiktegi munaı óndirý jáne ýltra tereńdiktegi gaz óndirýdiń jańa kezeńine engenin kórsetedi, dep dep jazady qytaılyq BAQ.
Irannyń Qyzyl jarty aı qoǵamynyń basshysy DDSU-nan Gaza sektoryna dári jiberýdi surady — ParsToday
Irannyń Qyzyl Jarty aı qoǵamynyń basshysy Dúnıejúzilik densaýlyq saqtaý uıymynyń basshysyna hat joldap, Gaza sektoryna dári-dármek pen gýmanıtarlyq kómek jiberýdi jeńildetýdi surady, dep jazdy ParsToday aqparat agenttigi.
Irandyq basylymnyń dereginshe, IIR-nyń Qyzyl Jarty Aı Qoǵamynyń basshysy Pırhuseın Kolıvand jeksenbi kúni Dúnıejúzilik densaýlyq saqtaý uıymynyń basshysy Tedros Adhanom Gebreııýske hat joldaǵan.
«Álem Gaza sektoryndaǵy eń apatty gýmanıtarlyq daǵdarystardyń birimen betpe-bet kelip otyrǵandyqtan, halyqaralyq ınstıtýttardyń moraldyq jáne gýmanıtarlyq jaýapkershiligi olardan qorǵansyz beıbit turǵyndardyń, ásirese balalardyń, júkti áıelderdiń jáne naýqastardyń ómirin qutqarý úshin shuǵyl sharalar qabyldaýdy talap etedi», — dep jazdy P. Kolıvand.
Baqtashylar Altaı qoıyn kóshi-qon dástúrimen baǵady — Harajorga
Shildeniń sońy, Kóktoǵaı aýdanynyń Aqsala jaılaýy tańnyń atýymen tirshilik tynysyna engen kezde, óriske bettegen Altaı qoıy jaılaý sonysyna bas qoıyp, asqar taý, jasyl ormanmen jarasym tabýy kórkem sýretteı kórinis qalyptastyrdy, dep jazady qytaılyq Harajorga basylymy.
Atalǵan BAQ-tyń málimetinshe, Altaı qoıyn malshylar jyl boıy óris jańalap, dástúrli kóship, qonyp júrip baǵady. Altaıdyń qaqaǵan aıazynda malshylar qar az túsetin jyly jaqqa ketip, qys otarynda baqsa, kóktem kirip, kók shyǵa soltústikti betke alyp kóshe bastaıdy. Al jazda shóptiń shúıginin, sýdyń tunyǵyn qýalaı Altaı taýyn jaılaıdy. Kúz salqyny biline bere ózen ańǵaryndaǵy kúzeýlikke qaıta oralady.
Qytaılyq BAQ-tyń habarlaýynsha, tańdaıǵa tatyp, dámi aýyzda qalatyn Altaı qoıynyń eti — altyn Altaıdyń shúıgin shóbi men tunyq sýynyń nári. Altaı qoıynyń boıyndaǵy ereksheligi dál osy tabıǵı ekologııamen tikeleı baılanysynda jatyr.
Túrkııada 2 000 jyldyq májilis ǵımaraty tabyldy — TRT
Túrkııanyń ońtústik-batysynda ornalasqan, ıÝNESKO-nyń álemdik mura tizimine engen ejelgi Laodıkııa qalasynda júrgizilgen qazba jumystary kezinde 2 000 jyldyq májilis ǵımaraty tabyldy. Ǵımarat ejelgi megapolıstiń ákimshilik ortalyǵy bolýy múmkin degen boljam bar, dep habarlaıdy Túrkııa Radıo Televızııa portaly.
Rım dáýirine tıesili bul jádiger ejelgi Anadolyda buryn-sońdy kezdespegen sáýlet úlgisi qurylymyna ıe.
Buǵan deıin Laodıkııada júrgizilgen qazbalarda freskalarmen bezendirilgen traverten bloktar, shamamen 3 metr bıiktiktegi (shamamen 10 fýt) ataqty Rım ımperatory Traıannyń músini, Traıan fontany, bir dinı qyzmetkerdiń bas músini jáne Gomerdiń «Odısseıa» eposyndaǵy qorqynyshty Skıllany beıneleıtin músinder tabylǵan bolatyn.
Tarıhy b. z. d. І ǵasyrdyń sońyna deıin jetetin bul qurylys 600–800 adamǵa arnalǵan jáne b. z. VII ǵasyryna deıin qoldanylǵan.
«TRT»-nyń dereginshe, oryndyqtarǵa qashalyp jazylǵan esimderden májilistegi qarııalar, jastar jáne azamattar anyqtaldy. Saıası agora, arhıv zaldary, úlken monsha kesheni jáne aımaqtyń eń iri stadıonymen qorshalǵan bul aımaq Laodıkııanyń Rım dáýirinde mańyzdy ákimshilik jáne sot ortalyǵy bolǵanyn rastaıdy.
Sadyr Japarov pen Murat Nurtileý yntymaqtastyqtyń ózekti máselelerin talqylady — Eurasia Today
Sadyr Japarov pen Murat Nurtileý Qyrǵyzstan-Qazaqstan ekijaqty yntymaqtastyǵynyń ózara múddeli barlyq saladaǵy ózekti máselelerin talqylady, dep jazady Eurasia Today.
Atalǵan BAQ-tyń habarlaýy boıynsha Qyrǵyz Respýblıkasynyń Prezıdenti Sadyr Japarov búgin, 1 tamyzda Sholpon-Atada Qazaqstan Respýblıkasy Premer-Mınıstriniń orynbasary — Syrtqy ister mınıstri Murat Nurtileýdi qabyldady.
Kezdesý barysynda Qyrǵyzstan-Qazaqstan ekijaqty yntymaqtastyǵynyń ózara múddeli barlyq saladaǵy ózekti máseleleri, sonyń ishinde elder arasyndaǵy basym jobalardy iske asyrý, onyń ishinde Qambar-Ata GES-1 qurylysy talqylandy.
Memleket basshysy memleketaralyq qarym-qatynastyń dáıekti keńeıýine, olardy praktıkalyq mazmunmen tolyqtyrýǵa yqpal etetin barlyq deńgeıdegi saıası dıalogtyń qarqyndy tereńdeýin atap aıtty.