Baqytjan Jaılaýbaev Ulytaý oblysy ákiminiń orynbasary bolyp taǵaıyndaldy
ULYTAÝ. KAZINFORM — Ulytaý oblysynda jańa kadrlyq taǵaıyndaý boldy. Oblys ákiminiń orynbasary qyzmetine buǵan deıin qoǵamdyq damý basqarmasyn basqarǵan Baqytjan Jaılaýbaev keldi.
Baqytjan Ómirtaıuly Jaılaýbaev Ulytaý oblysy ákiminiń orynbasary bolyp taǵaıyndaldy.
Baqytjan Jaılaýbaev 1984 jyly týǵan.
Ol memlekettik qyzmette, ishki saıasat pen tsıfrlandyrý salasynda mol tájirıbe jınaqtaǵan.
Eńbek jolyn 2005 jyly Sátbaev qalasynda bastap, on jyl boıy qalalyq mádenı-saýyq ortalyǵyn basqardy. Keıin Sátbaev qalasynyń ishki saıasat, mádenıet jáne tilderdi damytý bóliminde basshynyń orynbasary, odan soń ishki saıasat bóliminiń basshysy qyzmetterin atqardy.
2019 jyldan bastap ortalyq memlekettik organdarda eńbek etti. QR Aqparat jáne qoǵamdyq damý mınıstrligi Azamattyq qoǵam isteri komıtetiniń taldaý jáne josparlaý basqarmasyn basqardy. Keıin QR Energetıka mınıstrliginde tsıfrlandyrý jáne aqparattandyrý baǵytyndaǵy birneshe laýazymda qyzmet atqardy. Sondaı-aq mınıstrliktiń zań qyzmeti departamentinde bas sarapshy boldy.
2022 jyly Jezqazǵan qalasy ákiminiń orynbasary qyzmetine taǵaıyndaldy. Al 2024 jyldyń qarashasynan 2026 jyldyń mamyryna deıin Ulytaý oblysynyń qoǵamdyq damý basqarmasyn basqarǵan.
Osyǵan deıin ótken apta ishinde elimizde birqatar kadrlyq aýys-túıis bolǵanyn habarlaǵan bolatynbyz.
