Baqytjan Sapıev Prezıdenttiń keńesshisi boldy

ASTANA. KAZINFORM – Aqorda Baqytjan Sapıevtiń Prezıdenttiń keńesshisi bolǵanyn habarlady.

- Memleket basshysynyń ókimimen Baqytjan Shaımuhametuly Sapıev Qazaqstan Respýblıkasy Prezıdentiniń keńesshisi bolyp taǵaıyndaldy, ol burynǵy atqarǵan laýazymynan bosatyldy, - delingen qujatta.

Baqytjan Shaımuhametuly 1966 jylǵy 25 maýsymda Almaty oblysy Panfılov aýdany Jarkent qalasynda týǵan.

Bilimi:

1988 j. – Qazaq aýyl sharýashylyǵy ınstıtýty;

1999 j. – Qazaq memlekettik basqarý akademııasy;

2006 j. – Ekonomıka jáne quqyq akademııasy.
Ekonomıka ǵylymdarynyń kandıdaty.

Eńbek joly:

1988-1992 jj. – Qazaq aýyl sharýashylyǵy ınstıtýtynyń «Elektr jáne jylý energııasyn aýyl sharýashylyǵynda qoldaný» kafedrasynda laborant, assıstent, aǵa oqytýshy;

1992-1993 jj. – Almaty q. Alataý aýdandyq ákimshiliginiń qurylys bóliminde maman, bas maman;

1993-1997 jj. – Almaty q. Alataý aýdandyq ákimshiliginiń ekologııalyq ınspektsııasy bóliminiń bastyǵy;

1997–1998 jj. – Almaty q. Áýezov aýdany ákimi apparatynyń ekologo-sanıtarlyq ınspektsııasy bóliminiń bastyǵy;

1998-2008 jj. – Almaty q. Bostandyq aýdany ákiminiń orynbasary;

2008-2012 jj. – Almaty qalasy ákimi apparatynyń kásipkerlik jáne ónerkásip basqarmasynyń bastyǵy;

2018-2019 jj. – Investıtsııalar jáne damý mınıstrliginiń Tehnıkalyq retteý jáne metrologııa komıtetiniń Astana qalasy boıynsha departamentiniń basshysy – memlekettik baqylaý jónindegi bas memlekettik ınspektor;

2019-2020 jj. – Indýstrııa jáne ınfraqurylymdyq damý mınıstrliginiń Indýstrııalyq damý jáne ónerkásiptik qaýipsizdik komıteti tóraǵasynyń orynbasary;

2020-2023 jj. – QR Prezıdenti Ákimshiliginiń Memlekettik baqylaý jáne uıymdastyrýshylyq-aýmaqtyq jumys bóliminde memlekettik ınspektor, bólim meńgerýshisiniń orynbasary;

2023 jylǵy 22 qyrkúıekten – QR Prezıdenti Ákimshiliginiń Memlekettik baqylaý bóliminiń meńgerýshisi.

Aıta keteıik, buǵan deıin Ernar Baspaev Prezıdentiniń keńesshisi laýazymynan bosatyldy.