Baqytjan Bazarbek jol apaty týraly: Asyǵys qorytyndy jasamańyzdar
ASTANA. KAZINFORM – Burynshy Májilis depýtatty Baqytjan Bazarbek Facebook áleýmettik jelisinde jazba jarııalap, qalyń kópshilikti ózi túsken jol apatyna qatysty tarap jatqan aqparattar boıynsha asyǵys baılam jasamaýǵa shaqyrdy.
-Meniń qatysýymmen bolǵan jol-kólik oqıǵasyna qatysty kóptegen boljamdar men túrli áńgimelerge jaýap bere almaımyn jáne kóp nárseni jazýǵa da múmkindigim joq. Qozǵalǵan sotqa deıingi tergep-tekserý aıasynda men jáne jubaıym sotqa deıingi tergep-tekserý derekterin jarııa etpeý týraly qolhat berdik,-dep jazdy ol.
Sondaı-aq eks-depýtat osy ýaqytta jol apatyna qatysty tergeý amaldary júrip jatqanyn aıtty. Qazir qajetti saraptamalar júrgiziledi dep kútip otyrmyz. Tergep-tekserý organdary zań talaptaryna sáıkes, bolǵan oqıǵanyń mán-jaıyna obektıvti ári ádil baǵa beredi dep senemin.
-Qazir men úshin eń bastysy — zardap shekken azamattyń, onyń jaqyndary men týystarynyń qasynda bolyp, olarǵa qajetti kómek kórsetý. Biz birneshe kún boıy uıyqtamaı, onyń týǵan-týystarymen birge onyń saýyǵyp ketýin tilep, duǵa jasap otyrmyz. Kórsetilgen shuǵyl medıtsınalyq kómek úshin aýdandyq aýrýhananyń barlyq dárigerlerine, sondaı-aq densaýlyq saqtaý mınıstrligi men oblystyq densaýlyq saqtaý basqarmasyna erekshe alǵysymdy bildiremin,-dedi ol.
Sondaı-aq ol áleýmettik jelilerde qazirdiń ózinde túrli nusqalar men alyp-qashpa áńgimeler tarap jatqanyn, osyǵan qaraı qalyń kópshilikti asyǵys qorytyndy jasamaı, tek resmı aqparat pen tergeý nátıjelerine senýge shaqyrdy.
-Osy qıyn kúnderde alańdap, qoldaý kórsetip jatqan barshańyzǵa rahmet!,-dedi Baqytjan Bazarbek.
