Baqytbek Bazarbek birqatar mınıstrlikti biriktirýdi usyndy
ASTANA. KAZINFORM – 2026 jyldan bastap memlekettiń shyǵystaryn qysqartyp, keıbir mınıstrlikterdi biriktirý qajet. Bul týraly Májilis depýtaty Baqytbek Bazarbek aıtty.
- Memlekettik qyzmetterdi tsıfrlandyrý aıasynda 2026 jyldan bastap memlekettik apparatty birtindep qysqartýymyz qajet. Odan barlyǵy qorqady. 2026 jyldan bastap memlekettiń shyǵystaryn qysqartpasaq, onda qaryzymyz qysa bastaıdy. Sondyqtan «Samuryq-Qazyna» UÁQ, «Báıterek» kompanııasynyń ákimshilik apparatyn qysqartýymyz kerek. Mınıstrlikterdi de dereý qysqartýymyz qajet, - dedi ol Parlament palatalarynyń birlesken otyrysy aıasynda BAQ ókilderine bergen suhbatynda.
Onyń atap ótýinshe, 2-3 mınıstrlikti biriktirýge bolady.
- Halyq sany az Qazaqstanǵa osynshama mınıstrlik qajet emes. Mysaly, Sý mınıstrligi men Ekologııa mınıstrligin, Qarjy mınıstrligi men Ulttyq ekonomıka mınıstrligin, Ónerkásip mınıstrligi men Kólik mınıstrligin biriktire salýǵa bolady. Ár mınıstrdiń 5-6 orynbasary bar. 4-eýin qysqartyp, eki orynbasar ǵana qaldyrý qajet. Basqasha aıtqanda shyǵyndardy azaıtýymyz kerek. ıAǵnı, ony qysqartyp, jasandy ıntellekt, tsıfrlandyrýǵa aınaldyrýymyz qajet. Basqasha aıtqanda 2030 jylǵa qaraı memlekettik apparatymyz kem degende 20-30 paıyzǵa qysqarýy tıis, - dedi depýtat.
Aıta keteıik, búgin Parlament palatalarynyń birlesken otyrysy ótip, onda segizinshi saılanǵan Parlamenttiń úshinshi sessııasy resmı túrde jabyldy.