Baqyt Tóltaı teńge ilýden altyn júlde aldy

ASTANA. KAZINFORM — Otandasymyz Baqyt Tóltaı V dúnıejúzilik kóshpendiler oıyndarynda teńge ilýden І oryn ıelendi.

Etnoaýylda ótken básekede qazaqstandyq sportshy Baqyt Tóltaı jeti qut stılinen óner kórsetti. 

Aıta keteıik, teńge ilýden jarys keshe bastaldy.

13 elden kelgen 31 sportshy júldege talasyp jatyr.

Birinshi kúnniń qorytyndysy boıynsha teńge ilýden Qazaqstan qorjynyna qos altyn tústi. 

Al qos qulash boıynsha qazaqstandyq Rahat Qambarov dara shyqty.

Mońǵol sportshysy Mels Naýryzbek kúmispen kúptelse, qyrǵyz Asqat Talaıbekov qolaǵa qol jetkizdi. 

«Bes beles» kezeńinde Beknur Serikov altyn ıelendi. Ekinshi orynǵa mońǵol sportshysy Aıbolat Unatqan jaıǵassa, úzdik úshtikti qyrǵyz Ádilbek Kenjebekuly ıelendi. 

Búgin (13 qyrkúıek) Astana qalasynda V Dúnıejúzilik kóshpendiler oıyndary óz máresine jetedi.

Sońǵy jarys kúni bəıge, teńge ilý, qusbegilik, ordo jáne mangaladan saıystar ótip jatyr.