Baqyt Seıdish — bokstan Azııa chempıonatynyń kúmis júldegeri
ASTANA. KAZINFORM — Mońǵolııa astanasy Ulanbatyr qalasynda ótip jatqan World Boxing aıasyndaǵy 2026 jylǵy Azııa chempıonatynda búgin, 9 sáýirde fınalda el quramasynan Baqyt Seıdish úndistandyq Arýndhatı Choýdharımen qolǵap túıistirdi.
Qos boksshy da sharshy alańnyń ortasyn bermeýge tyrysyp, 3 raýnd boıy alma-kezek basymdyqpen jekpe-jek ótkizdi. Nátıjesinde tóreshiler 4:1 esebimen jeńisti Úndistan sportshysyna berdi.
Aıta keteıik, Baqyt Seıdish alǵash ret sary qurlyqtyń dodasyna qatysty.
Endi el quramasynan 9-jupta Nadejda Rıabets (80 keli) ózbekstandyq Rýhshona Parpıeva, 10-jupta Dına Islambekova (80 keliden joǵary) úndistandyq Alfııa Pazanmen sharshy alańǵa shyǵady.
Sondaı-aq qurlyqtyq dodada erteń, 10 sáýirde qazaqstandyq bes boksshy altyn medaldy sarapqa salady. Olardyń qatarynda erlerde Orazbek Asylqulov (60 keli), Tórehan Sabyrhan (70 keli), Sabyrjan Aqqalyqov (75 keli), Nurbek Oralbaı (85 keli), Aıbek Oralbaı (90 keliden joǵary) bar.
Búgin qazaqstandyq úsh boksshy sharshy alańǵa shyǵady.
El quramasy fınalǵa shyqqan sportshylar sany jóninen jalpy esepte Úndistanmen alǵashqy eki oryndy ózara bólisip tur.
Sondaı-aq Azııa chempıonatynda Ózbekstan — 7, Soltústik Koreıa men Qytaı -3, Taıpeı, Mońǵolııa, Taıland, Iordanııa, Japonııa -2, Tájikstan -1 úzdigine úmit artady.
Azııa chempıonatynyń fınaly 9-10 sáýir kúnderine belgilengen.
