Baqyt Seıdish Azııa chempıonaty fınalyna shyqty

ASTANA. KAZINFORM — Mońǵolııa astanasy Ulanbatyr qalasynda ótip jatqan World Boxing aıasyndaǵy 2026 jylǵy Azııa chempıonatynda 6 sáýirde Baqyt Seıdish (70 keli) fınalǵa shyqty. 

El quramasynan alǵashqy bolyp sharshy alańǵa Bakyt Seıdish (70 keli) shyqty. Ol qytaılyq Alımıre Abýdýreıımýmen qolǵap túıistirdi.

Baqyttyń qarsylasy osal emes. 2024 jyly jastar arasynda álem chempıony atanǵan edi.

Birinshi raýndtan otandasymyz sharshy alańnyń ortasyn baqylaýǵa aldy. Qarsylasynyń ár qımylyn baqylap, qarymta shabýylda nátıjeli qımyldaǵan Baqyt Seıdish tóreshilerdiń biraýyz sheshimimen jeńiske jetti. Esep: 5:0.

Endi el quramasynan alty sportshy sharshy alańǵa shyǵady. Aldymen Valentına Halzova (75 keli) qytaılyq Tszyı Baomen kezdesse, odan keıin Mahmud Sabyrhan (55 keli) mońǵolııalyq Harhýý Bılgýýnsaıhan, Nadejda Rıabets (80 keli) úndistandyq Pýdja Ranı, Dına Islambekova (80 keliden joǵary) ózbekstandyq Oltınoı Sotımboeva, Ertýǵan Zeınýllınov (65 keli) taılandtyq Býndjong Sınsırımen qolǵap túıistiredi.

Búgingi jarys kúnin soǵy jekpe-jekti Tórehan Sabyrhan (70 keli) qytaılyq Peıchen Vanǵa qarsy óktizedi.

Sondaı-aq elimizdiń erler quramasynan Orazbek Asylqulov (60 keli), Sabyrjan Aqqalyqov (75 keli), Nurbek Oralbaı (85 keli), Saǵyndyq Toǵambaı (90 keli), Aıbek Oralbaı (90 keliden joǵary), áıelderde Aıgerim Sáttibaeva (48 keli) jartylaı fınal joldamasyn sarapqa salady.

Qurlyqtyq dodada el quramasynan barlyǵy 13 boksshy jarysty jalǵastyrýǵa múmkindik aldy.