Bakıevtiń uly kepilge bosatyldy
ASTANA. 16 qazan. QazAqparat - Londonda ustalǵan Qyrǵyzstannyń burynǵy prezıdenti Qurmanbek Bakıevtiń uly Maksım Bakıev kepilge bosatyldy.
Azattyq radıosy Qyrǵyz qyzmetiniń habarlaýynsha, bul aqparatty eldiń syrtqy ister mınıstrligi rastaǵan.
Associated Press agenttigi buǵan deıin 12 qazanda Londonda ustalǵan Bakıevtiń 7 jeltoqsanda bolatyn sotqa deıin kepilge bosatylǵanyn habarlaǵan.
Ulybrıtanııa úkimeti Maksım Bakıevti ótken aptada Qyrǵyzstan men AQSh úkimetteriniń suraýy boıynsha qamaǵan.
Qyrǵyzstanda Maksım Bakıevke birneshe aıyp taǵylǵan. Olardyń arasynda memlekettiń birneshe mıllıon dollar qarjysyn talan-tarajǵa salǵan degen aıyp ta bar.
Al resmı Vashıngton Bakıevke AQSh zańdaryn buzdy degen birneshe bap boıynsha aıyp taqpaq bolyp, Ulybrıtanııadan ony ózine tapsyrýdy surady.
