Bakıevti qaıtarýdy talap etti
ASTANA. 29 qyrkúıek. QazAqparat - Búgin Nıý-Iorkte ótken BUU-nyń bas assambleıasynyń 67-sessııasynda Qyrǵyzstan Parlamenti spıkeri Asylbek Jánibekov Belorýs jerinen saıası baspana tapqan qyrǵyzdardyń burynǵy prezıdenti Qurmanbek Bakıev pen onyń jaqyn týystaryn eline qaıtarýdy talap etti.
Bul týraly BAQ.KZ portaly jazady.
"Qyrǵyzstan men Belorýs eli odaqtas respýblıkalar. Belorýs bıligi Mınsk jáne Kıshınev qalasyndaǵy konventsııaǵa talaptaryna sáıkes qyrǵyzdardyń burynǵy basshysyn elimizge qaıtarýǵa múddeli. Qazir Bakıev jaqyndarymen Belorýs jerinde jasyrynyp júr. Tipti, tólqujatyn da aýystyryp alǵan kórinedi", - deıdi Asylbek Jánibekov.
Sondaı-aq, A.Jánibekovtiń aıtýynsha, búginde Bakıevtiń ústinen is qozǵalyp, izdestirilip jatyr.
"Ol halyqqa oq jaýdyryp, eldegi tynyshtyqty buzdy. Eldiń qazynasyn tonap, halyqtyń bar aqshasyn dalaǵa alyp qashty", - deıdi Parlament spıkeri.
